نوشہرہ میں گیس سلنڈر کا دھماکہ‘5 افراد زخمی ہوگئے

زخمیوں میں خاتون اور 4 بچے شامل ہیں‘پانچ افراد کو بچالیا گیا.ریسکیو ذرائع

میاں محمد ندیم جمعہ 4 دسمبر 2020 10:32

نوشہرہ میں گیس سلنڈر کا دھماکہ‘5 افراد زخمی ہوگئے

نوشہرہ(اردوپوائنٹ اخبارتازہ ترین-ا نٹرنیشنل پریس ایجنسی۔04 دسمبر ۔2020ء) صوبہ خیبر پختونخوا کے شہر نوشہرہ میں گھر میں سلنڈر دھماکہ ہوا ہے جس میں 5 افراد زخمی ہو گئے ہیں. ریسکیو ذرائع کے مطابق سلنڈر دھماکے میں زخمی ہونے والوں میں خاتون اور 4 بچے شامل ہیں زخمیوں کو ہسپتال منتقل کر دیا گیا ہے ریسکیو ٹیم گھرمیں سلنڈر دھماکے سے لگی آگ بجھانے میں مصروف ہے.

گزشتہ روز کراچی میں دعا چوک کے قریب دو منزلہ گھرمیں گیس سلنڈر کا دھماکہ ہوا جس سے 6 افراد زخمی اور ایک بچہ جاں بحق ہوگیا تھا واقعہ کے اطلاع ملتے ہی ریسکیو ٹیمیں امدادی سرگرمیوں کیلئے جائے وقوعہ پر پہنچیں.

(جاری ہے)

سلنڈردھماکے کے باعث عمارت کے ایک حصہ کونقصان پہنچا سلنڈر دھماکے کے بعدعمارت میں آگ لگ گئی جس پر قابو پانے کیلئے فائربریگیڈ کو طلب کیا گیا زخمی افراد کومقامی ہسپتال منتقل کر دیا گیا زخمیوں میں ایک خاتون، ایک مرد اور ایک بچہ بھی شامل ہیں.

متاثرہ افراد کے چہرے اور جسم کے دیگر حصوں پر زخم آئے ہیں اور تمام افراد جھلس کر زخمی ہوئے ریسکیو حکام نے ابتدائی بیان میں کہا کہ دھماکہ گیس سلنڈر پھٹنے سے ہوا تاہم مزید تفصیل امدادی کارروائیاں مکمل ہونے کے بعد معلوم ہو سکے گی. عمارت میں لگی آگ پر قابو پالیا گیا اور متاثرہ مکان کی بالائی منزل گر گئی تھی ریسکیو ٹیمیں ملبہ ہٹانے کا کام کرتی رہیں متاثرہ مکان کے ساتھ والے گھر سے بھی 5 افراد کو ریسکیو کیا گیا تھا علاقہ مکینوں کا کہنا تھا کہ 6 ماہ سے گیس نہیں آ رہی اور ہر گھر میں گیس سلنڈر موجود ہے.