سعودی عرب نے لاک ڈاؤن کے دوران مسجد الحرام میں کئی اہم کام کر ڈالے
حرمین شریفین کی انتظامیہ نے سنگ مرمر کے 4 ہزار سلیب بدل دیئے، امام کا مصلیٰ زمینی منزل پر منتقل کر دیا،درجنوں برقی زینے بھی نصب کر دیئے
محمد عرفان جمعہ 4 دسمبر 2020 13:17
(جاری ہے)
حرمین شریفین کی جنرل پریذیڈنسی کے مطابق مسجد الحرام میں مسعیٰ اور شاہ فہد توسیعی علاقے میں کورونا لاک ڈاؤن کے دوران سنگ مرمر کی 4 ہزار سے زائد سلیب تبدیل کر دی گئی ہیں۔
اس کے علاوہ امام کے مصلے یعنی نماز پڑھانے کی جگہ کو بھی تیار کیا گیا ہے۔حرمین شریفین سے متعلق پراجیکٹس کے ڈائریکٹر انجینئر عمار الاحمدی کا کہنا ہے کہ کورونا وبا کے دوران جب نمازوں اور عمرہ کی ادائیگی معطل تھی ، اس دوران 1849 مربع میٹر رقبے پر محیط سنگ مرمر کے 4,001 پرانے سلیب اُکھاڑ کر ان کی جگہ نئے سلیب لگا دیئے گئے ہیں۔ سعی کے مقام پر 7 سو سنگ مرمر سلیبز جبکہ شاہ فہد توسیعی حصے میں 3,302سلیبز لگائی گئی ہیں۔ ان سلیبز کی موٹائی 3 سینٹی میٹر ہے۔ اس کے علاوہ امام کا مصلیٰ گراؤنڈ فلور پر منتقل کر دیا گیا ہے۔ یہ مصلیٰ اٹھارہ روز کے اندر تیا ر کیا گیا ۔ اس مصلےٰ میں 7 ایئرکنڈیشنڈ کیبن یونٹس، 7 فانوس، 140 لائٹنگ یونٹس اور 38 اسپیکرز شامل ہیں۔ سنگ مرمر کی سلیبز لگوانے اور امام کا مصلیٰ تیار کروانے کے کام کی نگرانی 15 انجینئرز نے کی۔ مسجد الحرام میں بزرگ اور معذور افراد کے لیے ایک اور بڑی سہولت الیکٹرانک زینے ہیں۔ انتظامیہ کے مطابق اس وقت مسجد الحرام میں 200 الیکٹرانک زینے ہیں جنہیں روزانہ ایک لاکھ پانچ ہزار افراد استعمال کرتے ہیں۔ انتظامیہ کے مطابق حرم کے نئے توسیعی حصوں میں مزید 8 الیکٹرانک زینے نصب کر دیئے گئے ہیں جس سے عمرہ زائرین اور نمازیوں کو بڑی سہولت حاصل ہو گی۔ نئے حصے میں اس سے قبل سات زینے بنائے گئے تھے۔ جس کے بعد اب ان کی گنتی پندرہ ہو گئی ہے۔ انتظامیہ کے مطابق صفا ومروہ، سوق صغیر، طہارت خانوں، حرم کے دروازوں اور سوق صغیر انڈر پاس میں بھی برقی سیڑھیاں نصب کی گئی ہیں اس کے علاوہ میناروں اور سروس لفٹس کے ساتھ بھی ان کی سہولت موجود ہے۔متعلقہ عنوان :
مزید بین الاقوامی خبریں
-
بارشوں کا 75 سالہ ریکارڈ ٹوٹ جانے کے باوجود صرف 24 گھنٹوں میں متحدہ عرب امارات کے متاثرہ علاقے کلیئر ہو گئے
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.