انشاء اللہ 2021 خوشیاں لیکر آئے گا‘ بشریٰ انصاری

’اللّہ تعالیٰ کے حکم سے ایک مرتبہ پھر اچھے دن آئیں گے اور یہ کورونا وائرس ختم ہوجائے گا

پیر 28 دسمبر 2020 12:37

انشاء اللہ 2021 خوشیاں لیکر آئے گا‘ بشریٰ انصاری

کراچی (اُردو پوائنٹ اخبارتازہ ترین - این این آئی۔ 28 دسمبر2020ء) پاکستان شوبز انڈسٹری کی سینئر اداکارہ بشریٰ انصاری کہتی ہیں کہ انشاء اللہ ّہ نیا سال دٴْنیا بھر میں خوشیاں اور اچھی خبریں لیکر آئے گا۔سوشل میڈیا پر زیادہ متحرک رہنے والی اور مختلف سرگرمیوں کے ذریعے اپنے مداحوں کے ساتھ رابطے میں رہنے والی بشریٰ انصاری نے اپنے تصدیق شدہ انسٹاگرام اکاؤنٹ پر سالِ نو سے متعلق ایک خصوصی ویڈیو پیغام جاری کیا ہے۔

بشریٰ انصاری نے ویڈیو پیغام کے آغاز میں اپنا تعارف کرواتے ہوئے کہا کہ ’نیا سال آنے والا اور مجھے اٴْمید ہے کہ انشائ اللّہ 2021 ہمارے لیے ڈھیر ساری خوشیاں اور خوشخبریاں لیکر آئے گا۔اداکارہ نے کہا کہ ’اللّہ تعالیٰ کے حکم سے ایک مرتبہ پھر اچھے دن آئیں گے اور یہ کورونا وائرس ختم ہوجائے گا۔

(جاری ہے)

اٴْنہوں نے کہا کہ ’نئے سال کے لیے ہمیں خود سے بھی وعدے کرنے ہوں کہ ہمیں کیا کرنا چاہیے اور کیا نہیں کرنا چاہیے۔

بشریٰ انصاری نے کہا کہ ’سب سے پہلے تو ہمیں اپنی صحت پر توجہ دینی ہوگی اور اس ضمن میں ہمیں اپنی خوراک اور طرزِ زندگی پر سنجیدگی سے کام کرنا ہوگا۔اداکارہ نے کورونا وائرس کا حوالہ دیتے ہوئے کہا کہ ’عالمی وباء نے ناصرف ہماری جسمانی صحت کو متاثر کیا ہے بلکہ اس سے ہمارا طرزِ زندگی بھی شدید متاثر ہوا ہے جس کی وجہ سے ہم نفسیاتی مریض بنتے جارہے ہیں۔

اٴْنہوں نے مزید کہا کہ ’ہمیں اپنا اس قدر خیال رکھنا ہوگا کہ ہمیں ذہنی طور پر بھی پٴْرسکون زندگی گزاریں اور ہمارا مدافعتی نظام بھی مضبوط رہے۔بشریٰ انصاری نے اپنی اس پوسٹ کے کیپشن میں لکھا کہ ’اللّہ تعالیٰ نیا سال خوشیوں سے بھرے سال میں تبدیل کردے، آمین۔خیال رہے کہ پاکستان کی معروف اداکارہ بشریٰ انصاری 1978سے شوبز انڈسٹری کا حصہ ہیں اور طویل عرصے سے انڈسٹری پر راج کررہی ہیں۔