نااہل لیگ نے بجلی کے مہنگے ترین معاہدوں میں مال بنایا، ٹرانسمشن لائنز لگانا بھول گئے، ڈاکٹر شہباز گِل

اسلام آباد(اُردو پوائنٹ اخبارتازہ ترین - این این آئی۔ 10 جنوری2021ء) وزیر اعظم کے معاون خصوصی برائے سیاسی ابلاغ ڈاکٹر شہباز گِل نے کہا نااہل لیگ نے بجلی کے مہنگے ترین معاہدوں میں مال بنایا،جس کا خمیازہ آج قوم بھگت رہی ہے۔گزشتہ کرپٹ حکومتوں نے بجلی کی ترسیل کے نظام پر کوئی توجہ نہیں دی جس کے باعث عوام کو پریشانی کا سامنا کڑنا پڑا۔ موجودہ حکومت نے ہمیشہ پاکستان کے ہر مسائل کر سنجیدگی سے حل کیا ہے۔

ملکگیر بجلی کے بریک ڈائون پر موثر حکمت سے قابو پالیا گیا ہے۔ڈاکٹر شہباز گِل نے کہا بجلی کی ٹرانسمشن لائنز میں "سریا" استعمال ہونے کا امکان ہوتا تو مسلم لیگ ن نے بجلی بحران ختم کر دینا تھا لیکن ان کرپٹ چوروں کو ملک و قوم کی کوئی فکر نہیں تھی۔ جس پروجیکٹ کمیشن ملنے کی امید ہوتی یہ لوگ وہ وہاں کام کرتے رہے۔

(جاری ہے)

افسوس ان لائنز سے فائدہ ملکی صنعت اور عام عوام کو ہونا تھا اس لیے اس پر توجہ نہیں دی گئی۔

ڈاکٹر شہباز گِل نے کہا گزشتہ ادوار میں معاہدوں میں مال بنانے والے شاید ٹرانسمشن لائنز لگانا بھول گئے، آج انکی کرپشن کے کرتوتوں کی وجہ سے ملک اندھیرے میں ڈوبا۔ ڈھٹائی کی انتہا ہے کہ درباری میاں مفرور کے کیے کا الزام دوسروں پر دھر رہے ہیں۔ نااہل لیگ ذہنی خلفشار کا شکار ہے انہیں لگتا ہے کہ انکے دور میں دودھ اور شہد کی نہریں بہہ رہی تھیں۔

عوام کا مال لوٹ کر اپنے لیے "شداد کی جنت" بنانے کی کوشش کی گئی۔ڈاکٹر شہباز گِل نے مزید کہا پی ڈی ایم کے کرپٹ ٹولے کو پاکستان کی عوام جان چکی ہے لاشوں پر سیاست کرنے والے شہدا کے جنازے تک نہ آسکے۔ مریم صفدر اور بلاول زرداری کو سانحہ مچھ کے شہدا کے ورثا سے کوئی ہمدردی نہیں تھی اپنی گندی سیاست چمکانے کے لئے غریب عوام کو بھڑکا رہے تھے۔

وزیر اعظم عمران خان ان کرپٹ سیاستدانوں کے خلاف ڈٹے ہوئے ہیں۔بلاول زرداری نے 13 سالوں میں سندھ کو تباہ کر دیا ہے محکمہ فنانس میں جعلی پنشن کی مد کھربوں کی کرپشن سامنے آئی ہے۔ سندھ میں غریب عوام کے ناموں پر جعلی اکائونٹ بنا کر اربوں روپے کرپشن کی جاتی ہے۔ بلاول اور مریم کو قوم کی فکر ہوتی تو عوام کے مسائل کی نشاندہی کرتے۔ انہوں نے اپنے والدین کی کرپشن بچانے کے لئے مولانا کا سہارا لیا۔ پی ڈی ایم کے تمام حربے ناکام ہوچکے ہیں قوم ان کی بہکاوے میں نہیں آئے گی۔