قوم افواج پاکستان کے ساتھ کھڑی ہے‘تر جمان پنجاب حکومت

پیارے پاکستان کے تحفظ اور سلامتی کیلئے افواج پاکستان کا مضبوط ہونا ضروری ہے ‘ڈاکٹر شاہد صد یق

جمعہ 15 جنوری 2021 11:51

قوم افواج پاکستان کے ساتھ کھڑی ہے‘تر جمان پنجاب حکومت

لاہور(اُردو پوائنٹ اخبارتازہ ترین - این این آئی۔ 15 جنوری2021ء) تر جمان پنجاب حکومت ڈاکٹر شاہد صد یق نے کہا ہے کہ قوم افواج پاکستان کے ساتھ کھڑی ہے،دشمن طاقتیں چاہتی ہیں کہ پاک فوج کمزور ہو لیکن ہم دشمن طاقتوں کا ایجنڈہ کامیاب نہیں ہونے دینگے،پیارے پاکستان کے تحفظ اور سلامتی کیلئے افواج پاکستان کا مضبوط ہونا ضروری ہے۔

(جاری ہے)

اپنے جاری بیان میں انہو ں نے کہاکہ پاک فوج ہی سرحدوں اور قومی سلامتی کا تحفظ کر رہی ہے اور بے مثال قربانیاں دے کر نئی تاریخ رقم کر رہی ہے۔

انہو ں نے کہاکہ افواج پاکستان دن رات چوکس ہیں اور پاکستان کا دفاع کر رہی ہے ‘دشمن کو منہ کی کھانی پڑے گی۔ انہو ں نے کہاکہ دشمن طاقتیں مذہبی منافرت پھیلا کر انتشار پیدا کرنا چاہتی ہیںتاکہ اپنے مذموم مقاصد کو حاصل کر سکیں ‘ملک اس وقت کسی انتشار کا متحمل نہیں ہو سکتا دشمن طاقتوں کو پہلے بھی ناکامی ہوئی ہے اور آئندہ بھی ناکامی ان کا مقدر ہوگی۔