پولیس کی شہر قائد کے مختلف علاقوں میں چھاپہ مار کارروائیاں،16 ملزمان گرفتار،اسلحہ اور مسروقہ سامان برآمد

جمعرات فروری 13:50

کراچی(اُردو پوائنٹ اخبارتازہ ترین - این این آئی۔ 25 فروری2021ء) پولیس نے شہر قائد کے مختلف علاقوں میں چھاپہ مار کارروائیوں کے دوران 16 ملزمان کو گرفتارکرکے اسلحہ اور مسروقہ سامان برآمد کرلیا۔

(جاری ہے)

تفصیلات کے مطابق فیروز آباد پولیس نے خالد بن ولید روڈ پر سلمان مجتبیٰ نامی شہری سے لوٹ مارکرنے والے 3 ملزمان عمران،ستن اورحمزہ کو رنگے ہاتھوں گرفتارکرکے ان کے قبضے سے اسلحہ ، موبائل فون اور موٹر سائیکل برآمد کر لی، موقع پر موجود شہریوں نے بھی ملزمان کو تشدد کا نشانہ بنایا، پولیس کے مطابق گرفتار ملزمان علاقے میں ڈکیتی کی متعدد وارداتوں میں ملوث ہیں گرفتار ملزمان کے خلاف مقدمہ درج کرکے تفتیش شروع کردی گئی ہے، جیکسن پولیس نے مفرور ملزم سجاد خان، کلاکوٹ پولیس نے موٹر سائیکل لفٹر عطاء اللہ اور2 منشیات فروش مبارک خان اور راجیش کانجی،بن قاسم ٹائون پولیس نے 2 اسٹریٹ مختیار علی اور صدام ولد حاجی، شاہ لطیف پولیس نے گٹکا،ماواکی سپلائی میں ملوث 3 ملزمان سمیر، عامر اور محمد عمیر،نبی بخش پولیس نے اسٹریٹ کرمنل یاسر ، چاکیواڑہ پولیس نے موٹر سائیکل لفٹر فرحان کو گرفتار کر کے اس کے قبضے سے چوری شدہ موٹر سائیکل اور چوری کرنے والے آلات برآمد کر لیے۔