عالمی عدالت انصاف نے فلسطینی علاقوں میں اسرائیلی جنگی جرائم کی باضابطہ تحقیقات کا آغاز کردیا
اسرائیلی حکام کے آئی سی سی کے اقدام کی مذمت ‘فلسطینی حکام کا خیرمقدم‘صیہونی ریاست عالمی عدالت کے فیصلوں کی پابند نہیں.امریکا
میاں محمد ندیم جمعرات 4 مارچ 2021 13:42
(جاری ہے)
اس اقدام سے ہیگ میں قائم ٹربیونل، جو اسرائیل اور اس کی حلیف امریکا کی طرف سے مسلسل تنقید کا سامنا کرتا رہتا ہے، کو دنیا کے ایک انتہائی مشکل تنازع اور خطرے میں ڈال دیا ہے فاتو بنسودا نے کہا کہ انہوں نے فیصلہ کیا ہے کہ دونوں اطراف میں قابل قبول امکانی کیسزموجود ہیں اور تحقیقات نے 2014 کے غزہ تنازع پر توجہ مرکوز کی تھی جس میں 2 ہزار سے زائد افراد ہلاک ہوگئے تھے پراسیکیوٹر نے کہا کہ آخر میں ہماری مرکزی تشویش فلسطینی اور اسرائیلی، دونوں طرف سے تشدد اور عدم تحفظ کے طویل عرصے سے پیدا ہونے والے جرائم کے متاثرین کے لیے ہونی چاہیے جو ہر طرف گہرے دکھ اور مایوسی کا باعث بنا ہے. آئی سی سی کے ججز نے جنگی جرائم کی تفتیش کی راہ ہموار کردی تھی جب انہوں نے ایک ماہ قبل یہ فیصلہ سنایا تھا کہ فلسطینیوں کی رکنیت کی وجہ سے اس صورتحال پر عدالت کا دائرہ اختیار موجود ہے اس تحقیقات میں توجہ آپریشن پروٹیکٹو ایج پر مرکوز کی جائے گی جو اسرائیل کی طرف سے 2014 کے موسم گرما میں مزاحمت کاروں حماس کی جانب سے ملک میں کیے گئے راکٹ فائر کو روکنے کے بیان کردہ مقصد کے ساتھ شروع کیا گیا تھا. 2014 کی لڑائی میں تقریبا 2 ہزار 250 فلسطینی ہلاک ہوئے تھے جن میں زیادہ تر عام شہری اور 74 اسرائیلی، جن میں زیادہ تر فوجی تھے آئی سی سی کے اس فیصلے کے بارے میں بینجمن نیتن یاہو نے ٹوئٹر پر ایک ویڈیو پوسٹ کی جس میں انہوں نے کہا کہ آج شام اسرائیل پر حملہ ہوا ہے، دی ہیگ میں قائم بین الاقوامی عدالت نے ایک فیصلے پر پہنچ گئی ہے جو یہود دشمنی کا نچوڑ ہے. اسرائیلی وزیر خارجہ گبی اشکنازی نے کہا کہ ملک اپنے شہریوں اور فوجیوں کو قانونی ظلم و ستم سے بچانے کے لیے ضروری ہر اقدام کرے گا ان کا کہنا تھا کہ یہ تحقیقات امن عمل پر اثر انداز ہوسکتا ہے دوسری جانب فلسطینی حکام نے اس فیصلے کو سراہا فلسطینی وزیر خارجہ ریاض المالکی نے ایک بیان میں کہا کہ فلسطینی عوام کے خلاف اسرائیل کی طرف سے کیے جانے والے جرائم، جو منظم اور بڑے پیمانے پر جاری ہیں، اس تحقیقات کو ضروری اور فوری بناتے ہیں. اس فیصلے پر امریکا کی طرف سے فوری طور پر کوئی رد عمل سامنے نہیں آیا امریکی محکمہ خارجہ نے فروری میں کہا تھا کہ آئی سی سی کے دائرہ اختیار سے متعلق فیصلے کے بارے میں اسے شدید تحفظات ہیں انہوں نے کہا تھا کہ اسرائیل کو عدالت کا پابند نہیں ہونا چاہیے کیونکہ وہ ممبر نہیں ہے 2019 میں فاتو بنسودا نے تحقیقات کے لیے اپنی ابتدائی درخواست میں کہا تھا کہ اسرائیلی دفاعی فورسز، اسرائیلی حکام، حماس اور فلسطینی مسلح گروہوں کے ممبران کی جانب سے جرائم کا ارتکاب کرنے کی ایک معقول بنیادموجود ہے آئی سی سی کے پراسیکیوٹر نے یہ بھی کہا کہ 2018 کے بعد سے فلسطینی مظاہرین کی ہلاکتوں کی بھی تحقیقات کی گنجائش موجود ہے.
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.