سبی کے علاقے میں بم دھماکے کے نتیجے میں 5مزدور جاںبحق ،2سیکورٹی اہلکاروں سمیت 5افراد زخمی ہوگئے

جمعہ 5 مارچ 2021 22:35

کوئٹہ(اُردو پوائنٹ اخبارتازہ ترین - این این آئی۔ 05 مارچ2021ء) بلوچستان کے ضلع سبی میں بم دھماکے کے نتیجے میں 5مزدور جاںبحق جبکہ 2سیکورٹی اہلکاروں سمیت 5افراد زخمی ہوگئے۔

(جاری ہے)

ڈپٹی کمشنر سبی زاہد شاہ نے بتایا کہ جمعہ کو سبی سی30کلو میٹر دور بابر کچھ کے علاقے میںنامعلوم افراد نے سڑک کے کنارے نصب بم سے مزدوروں کو لیکرجانے والی گاڑی کو نشانہ بنایا جس کے نتیجے میں گاڑی میں سوارحیدر علی، عثمان یوسف ، محمد بشیر اور مظہر حسین سمیت5مزدور جاں بحق جبکہ 2ایف سی اہلکاروں سمیت5افرادزخمی ہوگئے جاں بحق ہونے والے مزدوروں کا تعلق پنجاب سے بتایا جاتا ہے۔

انہوں نے بتایا کہ نعشوں اورزخمیوں کو فوری طور پر سبی منتقل کردیا گیا ہے دھماکے سے گاڑی کو شدید نقصان پہنچایا۔ انہوں نے بتایا کہ جاںبحق اورزخمی ہونے والے مزدور ایف سی کی حفاظت میں پانی کی پائپ لائن بچھانے کیلئے جارہے تھے۔ دھماکے کے بعد ایف سی نے پورے علاقے کی ناکہ بندی کرکے مزید کارروائی شروع کردی۔