پشاور میں ڈانسر کو پارٹی میں بلاکر تشدد کا نشانہ بنایا گیا ، 10 ملزمان گرفتار

ہفتہ 6 مارچ 2021 12:27

پشاور (اُردو پوائنٹ اخبارتازہ ترین - این این آئی۔ 06 مارچ2021ء) پشاور میں ڈانسر وفا خان پر تشدد کا مقدمہ تھانہ ریگی میں درج کر لیا گیا، مقدمہ میں تشدد کے الزام میں منصورخان نامی شخص کو نامزد کیا گیا ہے۔ایف آئی آر کے مطابق حجرے میں پارٹی کیلئے بلاکر تشدد کا نشانہ بنایا گیا۔

(جاری ہے)

پولیس نے منصور خان کے حجرے سے 10 افراد کوحراست میں لے لیا، تلاشی کے دوران حجرے سے اسلحہ اور شراب کی بوتلیں بھی برآمد کی گئیں۔ایس پی رورل سجاد حسین کے مطابق گرفتار افراد سے پوچھ گچھ کی جارہی ہے، جبکہ نامزد ملزمان کی گرفتاری کیلئے خصوصی ٹیم تشکیل دے دی گئی۔پولیس کا کہنا ہے کہ ملزمان کے ممکنہ خفیہ ٹھکانوں کا سراغ لگایا جا رہا ہے۔