اینٹی انکروچمنٹ ٹریبونل سندھ نے کے ایم سی کے محکمہ انکروچمنٹ کو گجر نالے پر لیز مکانات مسمار کرنے سے روک دیا

جمعرات 25 مارچ 2021 23:31

کراچی(اُردو پوائنٹ اخبارتازہ ترین - این این آئی۔ 25 مارچ2021ء) اینٹی انکروچمنٹ ٹریبونل سندھ نے کے ایم سی کے محکمہ انکروچمنٹ کو گجر نالے پر لیز مکانات مسمار کرنے سے روک دیا۔جمعرات کو تجاوزات کی آڑ میں لیز مکانات کو مسمار کرنے کے خلاف درخواست کی سماعت ہوئی۔ٹریبونل نے انکروچمنٹ کو لیز مکانات مسمار کرنے سے روک دیا کے ایم سی انیٹی انکروچمنٹ ،ڈپٹی کمشنر اور دیگر سے 8 اپریل کو جواب طلب کرلیا۔

(جاری ہے)

ٹربیونل نے گجر نالے پر نارتھ ناظم آباد، ایف بی ایریا بلاک فائیو، جمشید ٹاون کی 41 گھروں کو مسمار کرنے سے روکتے ہوئے کہا کہ جب تک درخواست پر کارروائی مکمل نہیں ہوجاتی درخواست گزار لیز گھروں کو مسمار نہ کیا جائے ٹریبونل نے کے ایم سی انیٹی انکروچمنٹ ،ڈپٹی کمشنر اور دیگر سے 8 اپریل کو جواب طلب کرلیا لیز مکانات کو مسمار کرنے کے خلاف محمد الطاف خواجہ ایڈووکیٹ اور بیرسٹر منیر اقبال اور دیگر نے درخواستیں دائر کیں تھی جس میں گلبرگ ایف بی ایریا، نارتھ ناظم کوثر نیازی کالونی، جمشید ٹاون جہانگیر روڈ کے مکانات لیز ہیں گجر نالے پر سندھ کچی آبادی، کے ڈی اے اور کے ایم سی نے گھروں کو لیز جاری کی تھی تجاوزات کی آڑ میں متعلقہ ادارے لیز مکانات کو بھی توڑ رہے ہیں۔