فلسطینی شہداء کی قربانیاں رائیگاں نہیں جائیں گی ‘رانا تنویر حسین

بدھ 12 مئی 2021 14:49

چوہنگ(اُردو پوائنٹ اخبارتازہ ترین - این این آئی۔ 12 مئی2021ء) پاکستان مسلم لیگ ن کے ایم این اے چیئر مین پبلک اکاؤنٹس کمیٹی رانا تنویر حسین نے کہا کہ غزہ پر اسرائیل کی وحشیانہ بمباری علاقہ خون میں نہا گیا ، متعدد فلسطینی رہنماء بھی شہید ، فلسطینی شہداء کی قربانیاں رائیگاں نہیں جائیں گی بیت المقدس میں اسرائیلی فورسز کی پرتشدد کارروائیوں کی شدید مذمت کرتے ہیں ، حکمران کب خواب غفلت سے بیدار ہوں گے عالمی قوانین اور ضابطوں کی کھلم کھلا خلاف ورزی امت مسلماں کے نام نہاد لیڈروں کی خاموشی معنی خیز ہے،ہم فلسطینی عوام کی جدوجہد آزادی کو سلام پیش کرتے ہیں، وہ ان خیالات کا اظہار جاتی امرا آمد پر میڈیا ے کر رہے تھے،اس موقع پر میاں شفقت منیر شرقپوری بھی ہمراہ تھے ، انہوں نے مزید کہا کہ موجودہ حکومت اور مشیروں نے بیماریوں ،میتوں پر سیاست کی اور انسانیت کی تذلیل عام بات ہے میاں شہباز شریف علیل ہیں اور چیک آپ کے لیئے باہر جانے کے دواران رکاوٹ کھڑی کرنا ہی شریف خاندان فوبیا کی علامت ہے میاں شہباز شریف ہر صورت علاج کے لیئے جائیں گے مسلم لیگ ن کے رہنماؤں کے خلاف مفروضوں پر مقدمات بنانا اور درجنوں مہینے ریفرنس تیار نہ ہو نے کے باوجود انتقام کی آگ ٹھنڈی ہونے کا نام ہی نہیں لیتی