آج ناموس رسالت اور ختم نبوت کے قانون میں ترمیم کے لیے دبائو ہے، مولانا فضل الرحمن

وفاق المدارس ہے اور رہے گا اور اس کے خلاف ہرسازش ناکام ہو جائے گی،سربراہ جے یو آئی کا خطاب

جمعرات 17 جون 2021 22:39

آج ناموس رسالت اور ختم نبوت کے قانون میں ترمیم کے لیے دبائو ہے، مولانا ..

اسلام آباد (اُردو پوائنٹ اخبارتازہ ترین - این این آئی۔ 17 جون2021ء) جمعیت علمائے اسلام کے امیر مولانا فضل الرحمان نے کہا ہے کہ آج ناموس رسالت اور ختم نبوت کے قانون میں ترمیم کے لیے دبائو ہے۔

(جاری ہے)

وفاق المدارس کی مجلس عمومی کے اجلاس سے خطاب کرتے ہوئے کہا کہ مولانا فضل الرحمن نے کہا کہ ہماری معیشت ہی نہیں بلکہ قانون سازی تک عالمی اداروں کے پاس گروی رکھ دی گئی ہے،آج ناموس رسالت اور ختم نبوت کے قانون میں ترمیم کے لیے دبائو ہے،انہوں نے دینی مدارس کے ذمہ داران کو متنبہ کرتے ہوئے کہا کہ خبردار! کوء چھوٹاسامدرسہ بھی لالچ میں آکر نئے بورڈوں میں نہ چلا جائے،مولانا فضل الرحمان نے اس عزم کا اظہار کیا کہ مدارس اور وفاق المدارس کا ہرقیمت پر تحفظ کریں گی-انہوں نے ملک بھر سے آئے ہوئے 1300 علماء کرام اور وفاق المدارس کے اراکین سے کہا کہ اگر کوئی ڈنڈا لگا تو پہلے ہماریسر پر لگے گا اپ کو نہیں لگنے دیں گے، انہوں نے کہا کہ وفاق المدارس ہمارے لیے سائبان اور چھت ہے جس کے نیچے ہم سب اکٹھے ہوجاتے ہیں،مولانا فضل الرحمان نے واضح کیا کہ وفاق المدارس ہے اور رہے گا اور اس کے خلاف ہرسازش ناکام ہو جائے گی،ہمیں اچھی طرح معلوم ہے یہ سازشیں کہاں سے ہورہی ہیں مولانا فضل الرحمان نے کہا نئے بورڈز کا حشر بھی پرویز مشرف کے مدرسہ بورڈ جیس ہوگا-انہوں نے کہاکہ پہلے بھی علمائ کرام کو مشاہروں کا لالچ دیا گیا جسے سب نے متحدہوکر مسترد کردیا آج پھرآپ کا امتحانپ ہے جس میں آپ نے استقامت کا مظاہرہ کرنا ہی-مولانا فضل الرحمان نے کہا کہ مشکل وقت میں ہمت،استقامت اور بہادری سے کام لینا ہوتا ہی-انہوں نے کہا کہ امریکہ اور مغربی سرمایہ داری خودکو فاتح سمجھتی ہے اور ہماری تہذیب وتمدن پر حملہ آور ہے،انہوں نے اسلامی تہذیب پر حملہ کیا ہی-اس لیے ہمیں آج سوچنا ہوگا کہ ہم ایک کالونی ہیں یا ایک ریاست ہیں اور ہمیں ایک ریاست اور اپنی تاریخ کی طرف جانا ہوگا اور اس کے لیے قربانی دینا ہوگی-مولانا فضل الرحمان نے وفاق المدارس کے نومنتخب صدر مولانا ڈاکٹر عبدالرزاق اسکندر اورناظم اعلیٰ مولانا محمد حنیف جالندھری پر مکمل اعتماد کا اظہارکرتے ہوئے انہیں ہرممکن تعاون کا یقین دلایا۔