ًنریندر مودی کے بھائی کا تاجروں کو حکومت مخالف مہم چلانے ، جی ایس ٹی نہ دینے کا مشورہ

اتوار 1 اگست 2021 19:50

نئی دہلی (اُردو پوائنٹ اخبارتازہ ترین - آن لائن۔ 01 اگست2021ء) بھارتی وزیر اعظم نریندر مودی کے خلاف ان کے بھائی پرہلاد مودی میدان میں آگئے ، مودی سرکار کو سخت تنقید کا نشانہ بناتے ہوئے تاجروں کے مطالبات کی ہدایت کر دی۔

(جاری ہے)

بھارتی میڈیا رپورٹس کے مطابق آل انڈیا فیر شاپ ایسوسی ایشن کے نائب صدر پرہلاد مودی نے کہا کہ مودی ہوں یا کوئی اور ، تاجروں کے مطالبات تسلیم کرنا ہوں گے ، اگر مودی حکومت مطالبات تسلیم نہیں کرتے تو تاجروں کو جنرل سیلز ٹیکس دینے سے انکار کر دینا چاہئے ، تاجروں کو مطالبات کے حق میں مہاراشٹر حکومت اور مرکزی حکومت کے خلاف احتجاج کا سلسلہ تیز کر دینا چاہئے۔

انہوں نے مزید کہ کہ احتجاج ایسا کریں کہ ادھو ٹھاکرے اور نریندر مودی خود چل کر آپ کے پاس آئیں ، پہلے مہاراشٹرا کے وزیر اعلیٰ ادھو ٹھاکر کو خط لکھ کر مطالبات سے آگاہ کریں اور کہیں کہ مطالبات پورے ہونے تک جی ایس ٹی نہیں دیں گے ، ہم جمہوریت میں ہیں غلامی میں نہیں۔