ویکسینیشن نہ کرانیوالوں کا سینٹرل پولیس آفس میں داخلہ بند

سینٹرل پولیس آفس کراچی میں حاضری 50 فیصد تک رکھی جائے گی،آئی جی سندھ

منگل 3 اگست 2021 17:11

ویکسینیشن نہ کرانیوالوں کا سینٹرل پولیس آفس میں داخلہ بند

کراچی (اُردو پوائنٹ اخبارتازہ ترین - این این آئی۔ 03 اگست2021ء) آئی جی سندھ مشتاق مہر کی جانب سے کراچی کے سینٹرل پولیس آفس میں ویکسینیشن نہ کرانے والوں کا داخلہ بند کر دیا گیا ہے۔اس ضمن میں آئی جی سندھ مشتاق مہر کی جانب سے حکم نامہ بھی جاری کر دیا گیا ہے۔

(جاری ہے)

آئی جی سندھ کے جاری کیئے گئے حکم نامے میں کہا گیا ہے کہ اس پابندی کا اطلاق ناصرف مہمانوں پر بلکہ پولیس ملازمین پر بھی ہو گا۔آئی جی سندھ مشتاق مہر کا یہ بھی کہنا ہے کہ کورونا وائرس کے پھیلاو کو روکنے کے لیے محکمہ داخلہ کی ہدایت پر عمل کیا گیا ہے۔انہوں نے یہ بھی کہا ہے کہ سینٹرل پولیس آفس کراچی میں حاضری 50 فیصد تک رکھی جائے گی۔