بحری جہاز پر حملے کا معاملہ،ایران نے جی سیون کا الزام مسترد کردیا

جی سیون ممالک کے بے بنیاد الزامات کی مذمت ، تاریخ جاننے والے اسرائیلی سازشوں کو جانتے ہیں،ردعمل

اتوار 8 اگست 2021 12:30

بحری جہاز پر حملے کا معاملہ،ایران نے جی سیون کا الزام مسترد کردیا

تہران(اُردو پوائنٹ اخبارتازہ ترین - این این آئی۔ 08 اگست2021ء) ایران نے جی سیون ممالک کے الزام کو مسترد کرتے ہوئے کہا ہے کہ ایران خلیج فارس میں اسٹریٹجک آبی راستے کو محفوظ بنانے کے لیے پرعزم ہے۔غیرملکی خبررساں ادارے کے مطابق ترجمان ایرانی وزارت خارجہ نے اپنے جاری کردہ بیان میں کہا کہ جی سیون ممالک کے بے بنیاد الزامات کی مذمت کرتے ہیں۔ تاریخ جاننے والے اسرائیلی سازشوں کو جانتے ہیں۔

(جاری ہے)

ترقی یافتہ ممالک کے گروپ جی سیون اور یورپی یونین کے وزرائے خارجہ نے اپنے بیان میں گزشتہ ہفتے عمان کے ساحل پر مرسر اسٹریٹ نامی آئل ٹینکر پر ہونے والے حملے کا الزام ایران پر عائد کرتے ہوئے مشترکہ بیان میں کہا کہ یہ ہدف بناکر کیا جانے والا دانستہ حملہ تھا۔جی سیون کے مطابق ایسا حملہ بین الاقوامی قوانین کی خلاف ورزی کے زمرے میں آتا ہے تمام شواہد ایران کی طرف اشارہ کرتے ہیں۔ تاہم موقف کے تائید میں شواہد پیش نہیں کیے گئے۔