سندھ میں آئندہ حکومت پاکستان تحریک انصاف بنائے گی،وزیراعظم

عمران خان نے میر راجا خان جکھرانی کو جیکب آباد کے لئے خصوصی پیکیج دینے کی یقین دہائی کرواتے ہوئے جیکب آباد دورے کی دعوت قبول کرلی

بدھ 29 ستمبر 2021 21:17

جیکب آباد(اُردو پوائنٹ اخبارتازہ ترین - این این آئی۔ 29 ستمبر2021ء) وزیر اعظم عمران خان نے کہا ہے کہ سندھ میں آئندہ حکومت پاکستان تحریک انصاف بنائے گی، سندھ کے عوام کی تکالیف کا احساس ہے ۔ ان خیالات کا اظہار انہوں نے جیکب آباد سے تعلق رکھنے والے پاکستان تحریک انصاف کے صوبائی رہنما میر راجا خان جکھرانی سے ملاقات کے دوران کیا۔

(جاری ہے)

اس موقع پر گورنر سندھ عمران اسماعیل، وفاقی وزیر علی زیدی، ارباب غلام رحیم، لیاقت جتوئی اور دیگر موجود تھے ۔

وزیر اعظم نے میر راجا خان جکھرانی کو جیکب آباد کے لئے خصوصی پیکیج دینے کی یقین دہائی کرواتے ہوئے جیکب آباد دورے کی دعوت قبول کیا اور پیکیج کا اعلان بھی جیکب آباد دورے کے دوران کیا جائے گا،اس سلسلے میں میر راجا جکھرانی نے بتایا کہ جلد وزیر اعظم عمران خان جیکب آباد کا دورہ کریں گے۔