مسلم لیگ ن لاہور کے صدر پرویز ملک انتقال کر گئے

پرویز ملک کی نماز جنازہ کا اعلان بعد میں کیا جائے گا۔ خاندانی ذرائع

سمیرا فقیرحسین پیر 11 اکتوبر 2021 11:35

مسلم لیگ ن لاہور کے صدر پرویز ملک انتقال کر گئے

لاہور (اُردو پوائنٹ تازہ ترین اخبار۔ 11 اکتوبر 2021ء) : مسلم لیگ ن کے رہنما پرویز ملک انتقال کر گئے۔ تفصیلات کے مطابق مسلم لیگ ن کے رہنما پرویز ملک اب سے کچھ دیر قبل انتقال کر گئے۔

(جاری ہے)

پرویز ملک مسلم لیگ ن لاہور کے صدر اور رکن قومی اسمبلی بھی تھے اور انہوں نے پارٹی کے لیے بے شمار خدمات پیش کیں۔ پرویز ملک گذشتہ کافی عرصہ سے علیل تھے۔ خاندانی ذرائع نے بھی پرویز ملک کے انتقال کی تصدیق کر دی ہے۔ خاندانی ذرائع کے مطابق پرویز ملک کی نماز جنازہ کا اعلان بعد میں کیا جائے گا۔ مسلم لیگ ن کے کئی رہنماؤں نے پرویز ملک کے انتقال پر افسوس کا اظہار کرتے ہوئے ان کے اہل خانہ سے تعزیت کی۔