جینک سنر اور لائیڈ ہیرس یورپین اوپن کے سیمی فائنل میں پہنچ گئے

ہفتہ 23 اکتوبر 2021 13:14

برسلز(اُردو پوائنٹ اخبارتازہ ترین - اے پی پی۔ 23 اکتوبر2021ء) جینک سنر، لائیڈ ہیرس، جینسن بروکسبی اور ڈیاگو شوارٹزمین نے عمدہ کارکردگی کی بدولت یورپین اوپن ٹینس ٹورنامنٹ کے سیمی فائنل میں جگہ بنا لی۔ اے ٹی پی کے زیر اہتمام یورپین اوپن ٹینس ٹورنامنٹ کے دلچسپ مقابلے بیلجیئم میں جاری ہیں۔

(جاری ہے)

سنگلز ایونٹ کے پہلے کوارٹر فائنل میں ٹاپ سیڈ اٹلی کے جینک سنر نے فرانس کے آرتھر رینڈرکنچ کو سٹریٹ سیٹس میں 4-6 اور 2-6 سے شکست دی۔

دوسرے کوارٹر فائنل میں جنوبی افریقہ کے لائیڈ ہیرس نے ہنگری کے مارکو فکسووکس کے خلاف دلچسپ مقابلے کے بعد 2-6 اور 5-7 سے کامیابی حاصل کی۔ تیسرے کوارٹر فائنل میں امریکا کے جینسن بروکسبی نے سپین کے الجاندرو ڈیوڈوچ کو 5-7 اور 0-6 سے شکست دی جبکہ چوتھے اور آخری کوارٹر فائنل میں سیکنڈ سیڈ ارجنٹائن کے ڈیاگو شوارٹزمین نے امریکا کے برینڈن ناکاشیما کو 4-6 اور 2-6 سے ہرا کر سیمی فائنل میں رسائی حاصل کی۔