ایک خط کے علاوہ نیب کے پاس کیا ثبوت ہے کہ مریم نواز بینفشل اونر ہیں
ہم نے سب کچھ قانون شہادت کے مطابق دیکھنا ہے۔ اسلام آباد ہائیکورٹ
سمیرا فقیرحسین بدھ 17 نومبر 2021 15:52
(جاری ہے)
ایک وکیل کی لی گئی معلومات ثبوت نہیں ہیں کہ کمپنیوں کا بینفشل اونر کون ہے۔
سماعت کے دوران جسٹس محسن اختر کیانی نے استفسار کیا کہ کیا اس خط کو ملکیت کا ثبوت تسلیم کر لیا گیا ہے ؟ یہ کیسے ثابت ہو گا کہ آف شور کمپنیوں کا بینفشل اونر کون ہے؟ اسلام آباد ہائیکورٹ کے جج جسٹس عامر فاروق نے ریمارکس دیتے ہوئے کہا کہ یہ سول نہیں ایک کرمنل کیس ہے۔ کرمنل کیس میں ہم مفروضے پر سزا نہیں سنا سکتے۔ انہوں نے کہا کہ پاکستان میں کیس ہو تو آپ کہیں گے کہ ایس ای سی پی کا ریکارڈ منگوا لیں۔ کیس تو چار لائنوں کا ہے ، لیکن پہلے آپ نے اپنا برڈن آف پروف اتارنا ہے۔ پراسیکیوشن نے سب سے پہلے بنیادی چیزیں ثابت کرنا ہوتی ہیں۔ جسٹس عامر فاروق نے مزید کہا کہ مفروضوں کی بنیاد پر تو بوجھ ملزم پر نہیں ڈالا جا سکتا۔ آپ کے پاس کیا ڈاکومنٹ ہے کہ مریم نواز ایون فیلڈ اپارٹمنٹس کی بینفشل اونر ہیں؟ آپ کے پاس کیس ثابت کرنے کے لیے کیا ثبوت ہے؟ کیا ایک چھٹی ملکیت کا ثبوت ہو سکتی ہے؟ اسلام آباد ہائیکورٹ نے دوران سماعت استفسار کیا کہ ایک خط کے علاوہ نیب کے پاس کیا ثبوت ہے کہ مریم نواز بینفشل اونر ہیں ؟ عدالت کا کہنا تھا کہ برٹش ورجن آئی لینڈ سے آپ کے پاس کوئی لیٹر آتا تو بات تھی۔ اگر کوئی وکیل کلائنٹ کے کہنے پر لکھے کہ وہ کمپنی کا اونر ہے تو کیا وہ پروف ہو جائے گا؟ جسٹس عامر فاروق نے ریمارکس دیتے ہوئے کہ یہ 2012ء کا لیٹر ہے اور ٹرائل 2018ء میں ہوا.ٹرائل کے دوران پرانے لیٹر پر انحصار کیسے کر لیں گے؟ ہو سکتا ہے کہ اس دوران اونرشپ تبدیل ہو گئی ہو۔ کیا ملزم ریمانڈ پر رہے؟ بیئرر سرٹیفکیٹ برآمد کیے؟ کیا آپ نے اس معاملے میں کوئی تفتیش بھی کی تھی؟ جسٹس عامر فاروق نے مزید کہا کہ اگر 1980ء میں کمپنی خریدی گئی تو مریم نواز بینفشل اونر نہیں ہو سکتی۔ انہوں نے مزید کہا کہ سات سال کی بچی خود کفیل تو نہیں ہو سکتی، وہ کسی کی تو کفالت میں ہو گی۔ نیب نے عدالت کے سوالوں پر جواب دینے کے لیے مہلت طلب کر لی۔ عدالت نے وقت دیتے ہوئے سماعت 24 نومبر تک ملتوی کردی۔ اسلام آباد ہائی کورٹ میں ایون فیلڈ ریفرنس میں سزا کے خلاف درخواستوں پر سماعت کے بعد میڈیا سے گفتگو کرتے ہوئے مریم نواز نے کہا کہ مجھے اور نواز شریف کو اللہ کی ذات پر یقین تھا لیکن مجھے یہ معلوم نہ تھا کہ یہ دن جلدی آئے گا۔ وہی جعلی حکومت و عدالتیں اور وہی طاقت کا غلط کا استعمال ہے لیکن یہ قدرت کا نظام ہے کہ نواز شریف کے حق میں تیسری بڑی گواہی عدلیہ کی طرف سے سامنے آئی ہے۔ انہوں نے کہا کہ جج ارشد ملک کے معاملے کو دبایا گیا، منصف کو ہی انصاف نہ ملے تو آپ اور مجھے انصاف کی فراہمی دور کی بات ہے، پرویز مشرف کی سزائے موت ختم کر دی گئی، عمران خان نے اپنی نااہلی سے پاکستان کو تباہی کے دہانے پر کھڑا کر دیا۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.