انگلش پریمیئر لیگ، فٹبالر کی عقابی نظر نے تماشائی کی جان بچالی

چیلسی کے کھلاڑی مارکوس الونسو نے تماشائیوں کے سٹینڈ میں بیٹھے ایک فین کی نشاندہی کی جسے دل کا دورہ پڑا تھا، ابتدائی طبی امداد کے بعد اس شخص کی حالت میں بہتری

ذیشان مہتاب جمعرات 2 دسمبر 2021 14:39

انگلش پریمیئر لیگ، فٹبالر کی عقابی نظر نے تماشائی کی جان بچالی

لندن (اردو پوائنٹ تازہ ترین اخبار ۔ 2 دسمبر 2021ء ) معروف برطنوی فٹ بال کلبز چیلسی اور واٹفورڈ اپنی رقابت اور پرستاروں میں لڑائیوں کی وجہ سے تو مشہور ہیں ہی لیکن اس میچ میں ایک کھلاڑی کی تیز نظر نے ایک پرستار کی جان بچا لی۔ ہوا کچھ ایسا کہ برطانیہ کے واکریج روڈ سٹیڈیم میں انگلش پریمیئر لیگ کے سلسلے میں چیلسی اور واٹفورڈ کے مابین میچ جاری تھا کہ اچانک چیلسی کے 31 سالہ سپینش کھلاڑی مارکوس الونسو کو تماشائیوں کے سٹینڈ میں کچھ گڑبڑ نظر آئی۔

پتہ چلا کہ دراصل سٹینڈ میں بیٹھے ایک فٹبال فین کو اچانک دل کا دورہ پڑا تھا ، الونسو کی عقابی نظر نے ہزاروں تماشائیوں میں بیٹھے اس شخص کو تاڑ لیا اور ان کی وجہ سے اسے بروقت طبی امداد مل گئی۔

Marcos Alonso helped the medical staff identify the fan in the crowd who collapsed during Chelsea's game against Watford 👏 pic.twitter.com/WyrOk0m3eT
— ESPN UK (@ESPNUK) December 1, 2021

میچ شروع ہونے کے صرف 14 منٹ بعد تقریباً 32 منٹ کے لیے روک دیا گیا تھا۔

(جاری ہے)

فٹ بال کلب کا مزید کہنا تھا کہ ’سٹینڈ میں بیٹھے فٹ بال فین کی حرکت قلب بند ہوگئی تھی لیکن اب ان کی حالت بہتر ہے، طبی عملے، کھلاڑیوں اور پرستاروں کے بروقت ردعمل پر شکریہ‘۔

Well done Marcos Alonso who spotted the unwell fan 🙏 pic.twitter.com/ZD9KrQvKTX
— Harry (@HarryCFC170) December 1, 2021

یہ میچ چیلسی نے واٹفورڈ کے ہوم گراؤنڈ میں 2-1 سے جیت لیا اور اس وقت پریمیئر لیگ میں 14 میں سے 10 میچز جیت لینے کے بعد 33 پوائنٹس کے ساتھ پوائنٹس ٹیبل پر سرفہرست ہے۔