لیورپول کی انگلش پریمیئر لیگ میں پہلی پوزیشن پر براجمان

جمعرات 18 ستمبر 2025 17:22

لندن (اُردو پوائنٹ اخبارتازہ ترین - اے پی پی۔ 18 ستمبر2025ء) لیورپول کی فٹ بال ٹیم نے اپنی شاندار کارکردگی کی بدولت انگلش پریمیئر لیگ کے پوائنٹس ٹیبل پرٹاپ پوزیشن پر براجمان ہے۔اب تک کھیلے گئے میچز کے بعد دفاعی چیمپئن لیور پول کی ٹیم کے سب سے زیادہ 12پوائنٹس ہیں۔آرسنل، ٹوٹنہم ہاٹ پور اور بورن مائوتھ کی ٹیموں کے 9،9 پوائنٹس مساوی ہیں اور یہ ٹیمیں بالترتیب دوسرے ،تیسرے اور چوتھے نمبر پر ہیں۔

انگلش پریمیئر لیگ کے 34 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔یہ مجموعی طور پر ٹاپ فلائٹ انگلش فٹ بال کا 127واں ایڈیشن ہے ۔ لیگ میں شامل تمام 20 ٹیموں نے اپنے 4،4 میچز کھیل لئے ہیں ۔ دفاعی چیمپئن لیورپول کی ٹیم 4 میچز کھیل چکی ہے اور چاروں میچز میں فتح حاصل کی ہے اور وہ سب سے زیادہ 12 پوائنٹس کے ساتھ ٹاپ پوزیشن پر برقرار ہے ۔

(جاری ہے)

آرسنل، ٹوٹنہم ہاٹ پور اور بورن مائوتھ کی ٹیموں نے بھی 4،4 میچز کھیل لئے ہیں اور 9،9 مساوی پوائنٹس ہونے کے ساتھ یہ ٹیمیں بالترتیب دوسرے ،تیسرے اور چوتھے نمبر پر ہیں۔ چیلسی کے 8 پوائنٹس ہیں اور وہ ٹیبل پر پانچویں نمبر پر ہے،ایورٹن اور سندرلینڈ کی ٹیمیں 7،7 مساوی پوائنٹس کے ساتھ بالترتیب چھٹے اور ساتویں نمبر پر ہیں۔مانچسٹر سٹی آٹھویں نمبر پر ہے اور کرسٹل پیلس نویں نمبر پر ہے ،دونوں ٹیموں کے 6،6 مساوی پوائنٹس ہیں۔

نیوکیسل یونائیٹڈ کی ٹیم 5 پوائنٹس کے ساتھ دسویں نمبر پر ہے۔ وولور ہیمپٹن کی ٹیم بھی 4 میچز کھیل چکی ہے اور چاروں میچز میں اس کو شکست کا سامنا کرناپڑا ہے۔واضح رہے کہ انگلش پریمیئر لیگ کے رواں سیزن میں شامل 20 کلبوں کی ٹیموں میں دفاعی چیمپئن لیورپول،آرسنل،آسٹن ولا،بورن مائوتھ،برینٹ فورڈ،برائٹن اینڈ ہوو البیون،برنلے،چیلسی،کرسٹل پیلس،ایورٹن،فلہم،لیڈز یونائیٹڈ،مانچسٹر سٹی،مانچسٹر یونائیٹڈ،نیوکیسل یونائیٹڈ،ناٹنگھم فارسٹ،سنڈرلینڈ،ٹوٹنہم ہاٹ پور،ویسٹ ہیم یونائیٹڈ اور وولور ہیمپٹن شامل ہیں۔\932

Facebook Twitter Google + Share on Whatsapp

لیورپول کی انگلش پریمیئر لیگ میں پہلی پوزیشن پر براجمان

متعلقہ عنوان :

مزید کھیلوں کی خبریں