ْاوپن یونیورسٹی ‘اوورسیز پاکستانی طلبہ کے بی ایڈ پروگرام کے امتحانات 16دسمبر سے شروع ہونگے

بدھ 8 دسمبر 2021 14:29

اسلام آباد(اُردو پوائنٹ اخبارتازہ ترین - این این آئی۔ 08 دسمبر2021ء) مشرق وسطیٰ کے ممالک خصوصاً سعودی عرب ، کویت ،ْ قطر ،ْ متحدہ عرب امارات ،ْ عمان اور بحرین میںمقیم علامہ اقبال اوپن یونیورسٹی کے ڈیڑھ سالہ بی ایڈ پروگرام میں داخل طلباء کے سمسٹربہار2021ء کے فائنل امتحانات 16۔دسمبر سے شروع ہونگے۔یہ امتحانات گرین وچ مین ٹائم)جی ایم ٹی(کے مطابق ان ممالک کے مقامی وقت پر منعقد ہونگے ، سعودی عرب ، کویت ، قطر اور بحرین میں امتحانات کا دورانیہ دن ایک بجے تا 4بجے جبکہ متحدہ عرب امارات اور عمان میں امتحانات 2بجے تا شام 5بجے منعقد ہونگے۔

یہ امتحانات آن لائن)ان کیمرہ( منعقد ہونگے ، آن لائن امتحانات کے لئے یونیورسٹی نے تمام تر انتظامات مکمل کرلئے ہیں۔یونیورسٹی نے آگہی ایل ایم ایس پورٹل پر تمام طلبہ کے اکائونٹ تشکیل دے دیئے ہیں۔

(جاری ہے)

ضروری ہدایات اور ڈیٹ شیٹ بھی یونیورسٹی ویب سائٹ پر فراہم کردی گئی ہیں۔آگئی پورٹل پر طلبہ صارف نام اور پاس ورڈ ڈال کر اپنے اکائونٹ تک رسائی حاصل کرسکیں گے۔

واضح رہے کہ صارف نام طلبہ کا رجسٹریشن نمبر جبکہ پاس ورڈ اُنکے رول نمبرز ہیں۔ شفافیت کو یقینی بنانے کے لئے ان امتحانات کی نگرانی مائیکرو سافٹ ٹیموں کی موجودگی میں کیمرے کی مدد سے کی جائے گی۔ آن لائن امتحانات کے بارے میں مزید تفصیلات یا کسی قسم کی دقت محسوس ہونے پر طلبہ ڈائریکٹوریٹ آف اوورسیز ایجوکیشن اینڈ ای لرننگ کے فون نمبر+92-51-9057349 پر رابطہ کرسکتے ہیں۔