Live Updates

آرمی چیف کی زیر صدارت 245 ویں کور کمانڈرز کانفرنس کا انعقاد

اجلاس کے شرکاء کا سیالکوٹ واقعے پر نوٹس لیتے ہوئے ایسےعناصرکے خلاف زیروٹالرنس کا اعادہ ، ملک سے انتہا پسندی اور دہشت گردی کےخاتمے کے عزم کا اظہار

محمد علی بدھ 8 دسمبر 2021 19:31

راولپنڈی (اُردو پوائنٹ اخبارتازہ ترین۔08 دسمبر2021ء) آرمی چیف کی زیر صدارت 245 ویں کور کمانڈرز کانفرنس کا انعقاد، سیالکوٹ واقعے پر نوٹس لیتے ہوئے ایسےعناصرکے خلاف زیروٹالرنس کا اعادہ ، ملک سے انتہا پسندی اور دہشت گردی کےخاتمے کے عزم کا اظہار۔

CCC presided by #COAS held @ GHQ. The participants reviewed global, regional & domestic security milieu. Expressing satisfaction over security measures along the borders, COAS emphasised on maintaining high vigil to guard against any threat. (1/4) pic.twitter.com/xDyhImVWGK
— DG ISPR (@OfficialDGISPR) December 8, 2021

پاک فوج کے شعبہ تعلقات عامہ آئی ایس پی آر کی جانب سے فراہم کردہ تفصیلات کے مطابق آرمی چیف جنرل قمر جاوید باجوہ کی زیر صدارت کور کمانڈرز کانفرنس کا انعقاد ہوا۔

یہ پاک فوج کی 245 ویں کورکمانڈرز تھی۔

(جاری ہے)

کانفرنس کے دوران عالمی اور خطے ‏کی سیکیورٹی صورتحال کا جائزہ لیا گیا۔ اس دوران کورکمانڈرز نے سیالکوٹ واقعے پر نوٹس لیتے ہوئے ایسےعناصرکے خلاف زیرو ٹالرنس کا اعادہ کیا اور ملک سےانتہاپسندی اوردہشت گردی کےخاتمے کا عزم بھی کیا گیا۔ کانفرنس کے دوران آرمی چیف نے سرحدوں پر سیکیورٹی انتظامات پر اطمینان کا اظہار کرتے ہوئے کہا کہ جاری تربیت اور ڈاکٹرائن ‏کے جائزےکیلئے تربیتی عمل ضروری ہے۔ افغانستان کی صورتحال پر آرمی چیف نے کہا کہ افغانستان میں استحکام سےخطےمیں استحکام آئے گا افغانستان ‏میں انسانی المیےسےبچنےکےلیےعالمی تعاون کی ضرورت ہے۔