فیصل آباد پریس کلب کے سالانہ انتخابات کیلئے چیئر مین الیکشن کمیٹی نے الیکشن شیڈول کا اعلان کر دیا

پیر 20 دسمبر 2021 18:20

فیصل آباد (اُردو پوائنٹ اخبارتازہ ترین - این این آئی۔ 20 دسمبر2021ء) فیصل آباد پریس کلب کے سالانہ انتخابات برائے سال-23 2022کے لئے الیکشن کمیٹی کے چیئر مین میاں بشیر احمد اعجاز نے الیکشن شیڈول کا اعلان کر دیا ۔ تفصیلا ت کے مطابق گزشتہ روز چیئرمین الیکشن کمیٹی میاں بشیر احمد اعجاز کی زیر صدرات اجلاس منعقد ہو ا جس میں الیکشن کمیٹی کے ممبران ، شوکت وٹو ،شاہد نسیم چوہدری ،،مسعودد احمد بھٹہ،رانا سجاد علی،کامران عالم، حمیرہ چوہدری بھی موجود تھے جنہوں نے فیصل آبا د پر یس کلب کے سالانہ انتخابات-23 2022کے الیکشن شیڈول کی منظوری دی الیکشن کا دورانیہ دو سال کا ہوگا جس کے مطابق امیدواران کا غذات نامزدگی 23دسمبر سے 25دسمبرصبح دس بجے سے شام چار بجے تک پریس کلب میں کمیٹی سے حاصل کر کے جمع کرا سکیں گے۔

(جاری ہے)

الیکشن میں حصہ لینے والے عہدیداران کیلئے فیس2500 روپے ہوگی جبکہ ایگز یکٹو باڈی کے امیدواران کیلئے فیس1500روپے ہو گی جو کہ نا قابل واپسی ہو گی۔ 25دسمبر شام پانچ بجے کا غذات جمع کروانے والے امیدواران کی فہرست پریس کلب میں آویزاں کر دی جائیگی۔ جس پر اعتراضات 26دسمبر شام4چار بجے تک وصول کئے جائیں گے اعتراضا ت پر سماعت کے بعد الیکشن کمیٹی 27دسمبرکو شام چار بجے تک امیدواروں کی فہرست جاری کرے گی 27دسمبر شام 5 بجے تک امیدوار کا غذات واپس لے سکیں اور اس دن شام 6بجے تک امیدواروں کی حتمی فہرست جاری کر دی جائے گی الیکشن میں حصہ لینے والے امیدواران کو اپنی سالانہ فیس ادائیگی کی رسید الیکشن کمیٹی کو فراہم کرنی ہو گی جبکہ ووٹر کو بھی اپنا ووٹ ڈالنے سے قبل کلب کی سالانہ فیس بھی جمع کروانی ضروری ہو گی الیکشن شیڈول کے مطابق پولنگ 3جنوری2022بروز پیر صبح 9بجے سے لیکرپانچ بجے تک پریس کلب میں ہو گی ۔

معزز کونسل و ایسوسی ایٹ ممبران فیصل آبادپریس کلب کو مطلع کیا جاتا ہے کہ الیکشن کمیٹی کے فیصلہ کے مطابق تمام ممبران 26دسمبر 2021تک اپنی سالانہ فیس پریس کلب کونسل ممبران مبلغ300روپے فی کس کے حساب سے آفس سپرنٹنڈنٹ محمد عقیل احمدرابطہ نمبر ( 0303-8500411) کے پا س بوقت 10بجے سے لے کر 3بجے تک پر یس کلب میں جمع کرواکر رسید حاصل کریں ۔ فیس نہ جمع کروانے والے ممبران اپنا ووٹ کاسٹ نہیں کر سکیں گے۔