راولپنڈی پولیس کی کارروائی ،تاش ،مرغوںکی لڑائی پر جواء کھیلنے والے 14قمار باز گرفتار

بدھ 22 دسمبر 2021 00:21

راولپنڈی(اُردو پوائنٹ اخبارتازہ ترین - این این آئی۔ 21 دسمبر2021ء) راولپنڈی پولیس نے قمار بازوں کیخلاف کارروائی کرتے ہوئے تاش اورمرغوں کی لڑائی پر جواء کھیلنے والے 14قمار باز گرفتار کرکے دائو پر لگی رقم 75ہزار 770روپے ،10ہزارغیر ملکی کرنسی اور13موبائل فونز برآمد کر لئے جبکہ 02مرغے بھی قبضہ پولیس میں لیے گئے۔

(جاری ہے)

تفصیلات کے مطابق ایس ایچ اوگوجرخان نے اپنی ٹیم کے ہمراہ کاروائی کرتے ہوئے مرغوں کی لڑائی پر جواء کھیلنے والے 05قمار بازوں کو گرفتارکرلیا، گرفتارملزمان میں سہیل ،حسنین ،گلفراز،نثار اورفیاض شامل ہیں ،ملزمان سے دائو پر لگی رقم 60ہزار 500روپے ،05موبائل فونز برآمد اور 02مرغے بھی قبضہ پولیس میں لیے گئے ،جبکہ ایس ایچ او بنی نے اپنی ٹیم کے ہمراہ کاروائی کرتے ہوئے تاش پر جواء کھیلنے والے 09قمار بازوں کو گرفتارکرلیا،گرفتار ملزمان میں محسن احسان ،حسن علی ،وقاص مسیح ،اضرار عباسی ،طارق علی ،شعیب خطیب ،اسرار احمد، طارق حضرت گل اورافتخار احمد شامل ہیں ،ملزمان سے دائو پر لگی رقم 15ہزار 270روپے ،10ہزار افغانی کرنسی اور08موبائل فونز برآمد ہوئے ،ملزمان کے خلاف الگ الگ مقدمات درج کرلیے گئے ، سی پی اوراولپنڈی ساجد کیانی نے کہاکہ قانون کی عملداری اوربالا دستی کو ہرصورت یقینی بنایا جائے گا، قمار بازی دیگر برائیوں کی جڑہے،ایسے جرائم میں ملوث ملزمان کیساتھ آہنی ہاتھوں سے نمٹا جائے۔

Facebook Twitter Google + Share on Whatsapp

راولپنڈی پولیس کی کارروائی ،تاش ،مرغوںکی لڑائی پر جواء کھیلنے والے 14قمار باز گرفتار

متعلقہ عنوان :

مزید قومی خبریں