متحدہ عرب امارات کا حوثیو ں کے حملے پر سلامتی کونسل اجلاس بلانے کا مطالبہ

بدھ 19 جنوری 2022 13:07

ابوظہبی (اُردو پوائنٹ اخبارتازہ ترین - این این آئی۔ 19 جنوری2022ء) متحدہ عرب امارات نے ابوظبی پر حوثیو ں کے حملے پر سلامتی کونسل کااجلاس بلانے کا مطالبہ کیا ہے۔یو اے ای کے سرکاری خبر رساں ادارے کے مطابق سلامتی کونسل کا اجلاس بلانے کے لیے ناروے کو خط لکھ دیا گیا ہے جس کے پاس جنوری کے لیے سلامتی کونسل کی سربراہی ہے۔

(جاری ہے)

یاد رہے کہ دو روز قبل ابوظبی میں حوثی باغیوں کے مبینہ ڈرون حملوں میں 3 افراد ہلاک اور 6 زخمی ہوئے تھے۔

حوثی ملیشیا کے ترجمان نے اس حوالے سے دعوی کیا تھا امارات کے خلاف آپریشن شروع کر دیا ہے اور جلد حملوں کے حوالے سے مزید معلومات فراہم کی جائیں گی۔دوسری جانب اسرائیلی وزیراعظم نیتن یاہو نے بھی ابوظبی کے ولی عہد شیخ محمد بن زاید النہیان کو خط لکھا جس میں سکیورٹی اور انٹیلی جنس شعبے میں معاونت کی پیشکش کی گئی۔