روس میں 7.8 کی شدت کا زلزلہ، سونامی وارننگ جاری

روس کے شہر پیٹروپوولوسک کیم چیکٹسکی میں 7.8 کی شدت کے زلزلے نے خطرے کی گھنٹی بجا دی

محمد علی جمعہ 19 ستمبر 2025 00:55

ماسکو ( اُردو پوائنٹ اخبارتازہ ترین۔ 18 ستمبر 2025ء ) روس میں 7.8 کی شدت کا زلزلہ، سونامی وارننگ جاری۔ تفصیلات کے مطابق روس کے شہر پیٹروپوولوسک کیم چیکٹسکی میں 7.8 کی شدت کے زلزلے نے خطرے کی گھنٹی بجا دی۔ میڈیا رپورٹس کے مطابق روس کے شہر پیٹروپوولوسک کیم چیکٹسکی میں 7.8 کی شدت کازلزلہ آیا ہے، جس کے بعد سونامی کی وارننگ جاری کر دی گئی۔ امریکی جیالوجیکل سروے نے شدید زلزلے کے فوری بعد تفصیلات جاری کرتے ہوئے بتایا کہ زلزلہ زیر زمین 10کلومیٹرکی گہرائی میں آیا۔

(جاری ہے)

زلزلے کے فوری بعد ہوائی میں واقع امریکا کی نیشنل ویدر سروس کے پیسیفک سونامی وارننگ سینٹرنے سونامی ایڈوائزری جاری کی۔ بتایا گیا ہے کہ زلزلے کے بعد مزید تفصیلات حاصل کرنے کی کوشش کی جا رہی ہے، تاہم اب تک زلزلے کے باعث کسی جانی یا مالی نقصانات کی اطلاع نہیں ملی۔