مالی سال کے چھ ماہ میں براہ راست بیرونی سرمایہ کاری ایک ارب ڈالر تک پہنچ گئی

بدھ 19 جنوری 2022 18:28

مالی سال کے چھ ماہ میں براہ راست بیرونی سرمایہ کاری ایک ارب ڈالر تک ..
لاہور(اُردو پوائنٹ اخبارتازہ ترین - این این آئی۔ 19 جنوری2022ء) رواں مالی سال کے چھ ماہ کے دوران براہ راست بیرونی سرمایہ کاری ایک ارب ڈالر تک پہنچ گئی۔اعداد و شمار کے مطابق مالی سال 2022 کے پہلے چھ ماہ کے دوران براہ راست بیرونی سرمایہ کاری 20 فیصد اضافے سے ایک ارب ڈالر ریکارڈ کی گئی۔ غیر ملکی سرمایہ کاروںنے اس عرصے کے دوران سٹاک مارکیٹ سے 30 کروڑ 70 لاکھ ڈالر مالیت کے حصص اور 9 کروڑ 80 لاکھ ڈالر کے بانڈز بھی فروخت کیے۔

(جاری ہے)

چھ ماہ کے دوران کل بیرونی سرمایہ کاری 47 فیصد اضافے سے 65 کروڑ 10 لاکھ ڈالرریکارڈ کی گئی، بیرونی سرمایہ کاری کرنے والے ممالک میں چین پہلے نمبر جبکہ امریکہ کا دوسرا نمبر رہا۔ چھ ماہ میں چین نے 30 کروڑ 70 لاکھ ڈالر اور امریکہ نے 14 کروڑ 90 لاکھ ڈالر کی براہ راست سرمایہ کاری کی۔جولائی سے دسمبر کے دوران توانائی کے شعبے میں 36 کروڑ 40 لاکھ ڈالر، فنانشل بزنس سیکٹر میں 20 کروڑ 60 لاکھ ڈالر اور مواصلات کے شعبے میں 14 کروڑ 70 لاکھ ڈالر کی سرمایہ کاری ریکارڈ کی گئی۔

متعلقہ عنوان :