وزیراعظم کاآزادکشمیر میں ٹیکنیکل ایجوکیشن کے حوالے سے جدید تقاضوں کے عین مطابق پالیسیز مرتب کرنے کافیصلہ خوش آئند ہے‘سردار فہیم حنیف خان

پیر 16 مئی 2022 23:48

مظفرآباد(اُردو پوائنٹ اخبارتازہ ترین - این این آئی۔ 16 مئی2022ء) صدر اے جے کے ٹیوٹا ایمپلائز ایسوسی ایشن سردار فہیم حنیف خان نے کہا کہ آزاد جموں وکشمیر ٹیوٹا ایمپلائز ایسوسی ایشن( رجسٹرڈ )آزادکشمیر میں سکل ڈویلپمنٹ کے لئے ٹھوس اقدامات کی ضرورت کے حوالے سے وزیراعظم سردار تنویرالیاس کی ذاتی کاوش اور کوشش پر شکریہ ادا کرتی ہے اور ان کے ویژن کی بھرپور الفاظ میں حمایت کرتی ہے۔

وزیراعظم کاآزادکشمیر میں ٹیکنیکل ایجوکیشن کے حوالے سے جدید تقاضوں کے عین مطابق پالیسیز مرتب کرنے کافیصلہ خوش آئند ہے ۔اس سے یقینا ٹیکنیکل ایجوکیشن خطہ میں بہت فروغ پائے گی۔ انہوں نے کہا کہ تنظیم ٹیوٹا کی ترقی اور نئی پالیسیوں اورٹیکنیکل ایجوکیشن کے فروغ کے لئے ہمہ وقت ہر قسم کا تعاون کرنے کے لئے تیار ہے۔

(جاری ہے)

صدر تنظیم نے کہا کہ وزیراعظم کے اس ویژن سے ٹیوٹا کے تمام ادارے جدید تقاضوں سے ہم آہنگ ہوں جائیں گے ۔

اداروں کی بہتری ریاست اور ٹیکنیکل ایجوکیشن کی بہتری ہے گوکہ ٹیکنیکل ایجوکیشن کے بغیر نہ کوئی ریاست اور نہ کوئی ملک ترقی کے زینے طے کرسکتا ہے۔ان شاء اللہ ہم وزیراعظم سے اس ویژن سے آزادکشمیر کو ایک بہترین ہنرمند اور ترقی یافتہ خطہ بناسکتے ہیں۔یہ اسی صورت میں ممکن ہے اداروں کی بہتری نئی اصلاحات نئی پالیسیاں مرتب کی جائیں تاکہ زیادہ سے زیادہ ٹیکنیکل اینڈ ووکیشنل ایجوکیشن اور ہنر مندی کو فروغ ملے سکے ۔

اس موقع پر محترمہ ثمینہ حمید کنسلٹنٹ برائے ٹیکنیکل ایجوکیشن نے وزیراعظم کو تجاویز دی اور نئی پالیسی کی تیاری کے احکامات جاری کیے اور ایک ہفتے میں پیش رفت پر رپورٹ طلب کی جو کہ بہت خوش آئند ہے اور وزیراعظم کی دلچسپی یقینا ٹیکنیکل ایجوکیشن کو جدید تقاضوں کے مطابق عملی اقدامات اٹھانا خراج تحسین ہے۔

Facebook Twitter Google + Share on Whatsapp

وزیراعظم کاآزادکشمیر میں ٹیکنیکل ایجوکیشن کے حوالے سے جدید تقاضوں کے عین مطابق پالیسیز مرتب کرنے کافیصلہ خوش آئند ہے‘سردار فہیم حنیف خان

متعلقہ عنوان :

مزید کشمیر کی خبریں