تل کی فصل کو مختلف بیماریوں کے حملہ سے محفوظ رکھیں، ترجمان محکمہ زراعت قصور

منگل 1 نومبر 2022 11:10

قصور (اُردو پوائنٹ اخبارتازہ ترین - اے پی پی۔ 01 نومبر2022ء) ترجمان محکمہ زراعت قصورے کہاہے کہ تل کی فی ایکڑ زیادہ پیداوار کے حصول کیلئے فصل کو مختلف بیماریوں کے حملہ سے محفوظ رکھیں ۔

(جاری ہے)

انہوں نے”اے پی پی“کو بتایا کہ ،فصل پر مختلف قسم کی بیماریاں حملہ آورہوکر فصل کو نقصان پہنچاتی ہیں جس سے پیداوار متاثر ہوتی ہے ،پتوں کے دھبوں کی بیماری دھبوں کی شکل میں ظاہر ہوتی ہے‘شروع میں یہ دھبے ہلکے گلابی رنگ کے جبکہ بعدمیں انکا رنگ سیاہی مائل گہرا ہونے لگتاہے اور دھبوں کی جگہ سے پتے سوکھ کر ٹوٹناشروع ہوجاتے ہیں اسی طرح پتے دھبوں کے درمیان سے خالی ہوجاتے ہیں۔

تل کی فصل دنیاکے تقریباً70ممالک میں کامیابی سے کاشت کی جارہی ہے اسکی خصوصیات بہت حد تک زیتون کے تیل سے ملتی ہے لہذا اس کو 5سے 10فیصد تک خوردنی تیلوں میں ملاکر کھانے سے تیل کی کوالٹی بہترہوجاتی ہے،تلوں کا استعمال بیکری کی مصنوعات میں بھی ہورہاہے اسی وجہ سے تلوں کی مانگ میں بھی اضافہ ہورہاہے۔\378