ثانیہ مرزا نے سوشل میڈیا پر نئی تصویر جاری کر دی

بھارتی ٹینس سٹار کی جانب سے شعیب ملک سے علیحدگی کی افواہوں پر مکمل خاموشی ہے ، وہ کسی قسم کا کوئی تبصرہ کرنے کیلئے تیار نہیں

ذیشان مہتاب ہفتہ 19 نومبر 2022 13:07

ثانیہ مرزا نے سوشل میڈیا پر نئی تصویر جاری کر دی

لاہور (اردو پوائنٹ تازہ ترین اخبار ۔ 19 نومبر 2022ء ) قومی کرکٹ ٹیم کے کھلاڑی شعیب ملک اور بھارتی ٹینس سٹار ثانیہ مرزا کے درمیان مبینہ علیحدگی کی خبروں نے صارفین کو ایک نئی بحث میں جکڑ رکھا ہے جب کہ شعیب ملک اس کی تردید بھی کر چکے ہیں تاہم اس ماحول میں ثانیہ مرزا نے اپنی ایک نئی تصویر جاری کر دی ہے جس میں وہ کافی خوش دکھائی دے رہی ہیں ۔ تفصیلات کے مطابق ثانیہ مرزا کی جانب سے ان افواہوں پر مکمل خاموشی ہے اور وہ کسی قسم کا کوئی تبصرہ کرنے کیلئے تیار نہیں ، ان تمام افواہوں کے درمیان ثانیہ مرزا نے سوشل میڈیا پر اپنی ایک اور نئی تصویر پوسٹ کی ہے۔

ثانیہ نے انسٹاگرام سٹوری میں اپنی ایک تصویر لگائی جس میں انہیں اکیلے خوشگوار موڈ میں ہنستے ہوئے دیکھا جاسکتا ہے۔

(جاری ہے)

اس ویڈیو کے ساتھ انہوں نے کیپشن لکھا کہ ”متحدہ عرب امارات میں گلوبل ویلج میں تفریح کا وقت “۔ اس سے قبل 31 اکتوبر کو ثانیہ مرزا نے سوشل میڈیا پر بتایا تھا کہ وہ اپنے گھر منتقل ہوگئی ہیں جبکہ انہوں نے نئے گھر کی ویڈیو بھی شیئر کی۔

گزشتہ دنوں شعیب ملک کی جانب سے اپنی اہلیہ بھارتی ٹینس اسٹار ثانیہ مرزا کو سوشل میڈیا پر سالگرہ کی مبارکباد دی گئی لیکن ثانیہ مرزا نے کوئی جواب نہ دیا، تھینک یو کہنا تو دور کی بات، پیغام کو لائیک بھی نہیں کیا۔ حال ہی میں شعیب ملک اور ثانیہ مرزا نے نئے شو کا بھی اعلان کیا ہے، لوگوں کا کہنا ہے کہ علیحدگی کی خبریں شعیب اور ثانیہ کا اس شو کیلئے پبلسٹی حاصل کرنے کا طریقہ بھی ہوسکتا ہے۔یاد رہے کہ دونوں کی شادی اپریل 2010ء میں ہوئی تھی اور ان کا ایک 4 سالہ بیٹا بھی ہے۔