Live Updates

بھارت نے پی ایس ایل میں خلل ڈالنے کیلئے پنڈی سٹیڈیم کو نشانہ بنایا: محسن نقوی

بھارت نے راولپنڈی کرکٹ سٹیڈیم کو نشانہ بنانے کی انتہائی غیر ذمہ دارانہ حرکت کی: چیئرمین پی سی بی

ذیشان مہتاب جمعہ 9 مئی 2025 12:20

بھارت نے پی ایس ایل میں خلل ڈالنے کیلئے پنڈی سٹیڈیم کو نشانہ بنایا: ..

لاہور (اردو پوائنٹ تازہ ترین اخبار ۔ 9 مئی 2025ء ) چیئرمین پاکستان کرکٹ بورڈ محسن نقوی نے کہا ہے کہ بھارت نے واضح طور پر پی ایس ایل میں خلل ڈالنے کے لیے پنڈی اسٹیڈیم کو نشانہ بنانے جیسی حرکت کی۔

(جاری ہے)

ایک بیان میں محسن نقوی نے کہا کہ پی سی بی ہمیشہ سیاست اور کھیل کو الگ رکھنے کے مؤقف پر قائم رہا ہے لیکن بھارت نے راولپنڈی کرکٹ اسٹیڈیم کو نشانہ بنانےکی انتہائی غیر ذمہ دارانہ حرکت کی، بھارت نے واضح طور پر پی ایس ایل میں خلل ڈالنے کے لیے ایسی حرکت کی۔

انہوں نے کہا کہ پی ایس ایل 10 کے باقی میچز دبئی منتقل کرنے کا فیصلہ کیا ہے، غیر ملکی کھلاڑی ہمارے مہمان ہیں، ان کا ذہنی سکون اولین ترجیح ہے۔

محسن نقوی کا کہنا تھا کہ پاکستان سپر لیگ کو فروغ دینے کے لیے پی سی بی کوشاں ہے۔