آصف زرداری اور چوہدری شجاعت کی ملاقات کی اندرونی کہانی سامنے آگئی

پرویز الہیٰ اسمبلی نہ توڑیں، مشاورت سے نیا سیٹ اپ بنا لیں گے، آصف زرداری کی پنجاب میں تبدلی کے لیے چوہدری شجاعت سے کردار ادا کرنے کی درخواست

مقدس فاروق اعوان منگل 6 دسمبر 2022 14:15

آصف زرداری اور چوہدری شجاعت کی ملاقات کی اندرونی کہانی سامنے آگئی

اسلام آباد (اردوپوائنٹ ،اخبارتازہ ترین۔ 06 دسمبر 2022ء) حکومت نے پنجاب میں گورنر راج لگانے کے بجائے ان ہاؤس تبدیلی کو زیادہ مضبوط آپشن قرار دیتے ہوئے تبدیلی کا ٹاسک آصف علی زرداری کو سونپ دیا ہے ۔آصف زرداری اس سلسلے میں متحرک بھی ہو چکے ہیں۔ سابق صدر آصف علی زرداری اور چوہدری شجاعت کی گذشتہ روز ہونے والی ملاقات کی اندرونی کہانی سامنے آگئی۔

میڈیا رپورٹس کے مطابق آصف زرداری نے پنجاب میں تبدلی کے لیے چوہدری شجاعت سے کردار ادا کرنے کی درخواست کی۔آصف زرداری نے تجویز دی کہ پرویز الہیٰ اسمبلی نہ توڑیں، مشاورت سے نیا سیٹ اپ بنا لیں گے۔یقین دلاتا ہوں حمزہ شہباز شریف وزیراعلیٰ نہیں ہوں گے۔چوہدری شجاعت کی آج وزیراعظم شہباز شریف سے بھی ملاقات کا امکان ہے۔

(جاری ہے)

چوہدری شجاعت بھی فوری اسمبلیاں توڑنے کے حق میں نہیں۔

انہوں نے آصف زرداری کو یقین دلایا کہ ملکی مفاد کی خاطر وہ اس سلسلے میں پرویز الہیٰ سے بات کریں گے۔

آصف علی زارداری اور چودھری شجاعت کی ملاقات کی اندرونی کہانی سامنے آگئی!@AAliZardari #AsifAliZardari #BREAKING #BreakingNews #GNN #GNNUpdates pic.twitter.com/hzdCzrtmTl
— GNN (@gnnhdofficial) December 6, 2022

علاوہ ازیں وفاقی حکومت نے پنجاب میں گورنر راج لگانے کے بجائے ان ہائوس تبدیلی کو زیادہ مضبوط آپشن قرار دیتے ہوئے اقدامات شروع کر دیئے۔ ذرائع کے مطابق ان ہائوس تبدیلی کیلئے اعتماد کے ووٹ کا آپشن استعمال کیا جائے گا، اس سلسلہ میں آصف زرداری کو ٹاسک دے دیا گیا ہے۔

ان ہائوس تبدیلی کے لیے تحریک عدم اعتماد نہیں لائی جائے گی، تحریک انصاف اور (ق)لیگ اتحاد اعتماد کا ووٹ نہ لے سکا تو وزیر اعلی کا دوبارہ انتخاب ہو گا۔حکومتی ذرائع کے مطابق (ق) لیگ کے چھ ارکان کی شجاعت کیمپ میں واپسی اس سلسلہ میں گیم چینجر بن سکتی ہے۔دوسری جانب وزیراعلیٰ پنجاب پرویز الہیٰ نے کہا کہ جب چئیرمین پی ٹی آئی عمران خان کہیں گے اسمبلیاں توڑ دیں گے تاہم منصوبے تاخیر کا شکار ہوں گے۔