ایبٹ آباد پولیس کی کارروائی ،کار سے 4 لاکھ 90 ہزار کے جعلی کرنسی نوٹ برآمد ،3 ملزمان گرفتار

جمعرات 2 فروری 2023 12:16

ایبٹ آباد (اُردو پوائنٹ اخبارتازہ ترین - اے پی پی۔ 02 فروری2023ء) ایبٹ آباد میں جرائم پیشہ عناصر کے خلاف پولیس کے بھرپور کریک ڈاون کے دوران ایک کار سے 4 لاکھ 90 ہزار روپے کے جعلی نوٹ برآمد کر کے 3 ملزمان کو گرفتار کر لیاگیا ہے۔

(جاری ہے)

اے ایس پی کینٹ اعتزاز عارف کی زیر نگرانی ایس ایچ او سٹی کیڈٹ نواز نے کارروائی کرتے ہوئے تین ملزمان محمد عمر ولد عبدالقیوم سکنہ بگنوتر، ارسلان ولد الیاس سکنہ واہ کینٹ اور عبداﷲ ولد شفیق سکنہ ٹھنڈا میرا کو گرفتار کر کے ان کے قبضہ سے مہران گاڑی، جعلی کرنسی نوٹ 4 لاکھ 90 ہزار روپے اور پستول ہمراہ کارتوس برآمد کر لئے ہیں ۔ گرفتار ملزمان کے خلاف 15 اے اے 34/489B کے تحت مقدمہ درج کر کے مزید تفتیش کا آغاز کر دیا گیا ہے۔