پاک بحریہ کے دو افسران کو رئیر ایڈمرل کے عہدے پر ترقی دیدی گئی

جمعہ 17 فروری 2023 22:39

کراچی (اُردو پوائنٹ اخبارتازہ ترین - این این آئی۔ 17 فروری2023ء) ریئر ایڈمرل خیبر زمان برطانیہ رائل نیول کالج ڈارٹ ماؤتھ برطانیہ سے فارغ التحصیل ہیں اور انہوں نے 1994 میں پاکستان بحریہ کی آپریشنز برانچ میں کمیشن حاصل کیا۔ وہ پی اے ایف ایئر وار کالج، نیشنل ڈیفنس یونیورسٹی اسلام آباد اور انٹرنیشنل کالج آف ڈیفنس اسٹڈیز چائنہ سے گریجویٹ ہیں۔

(جاری ہے)

ریئر ایڈمرل خیبر زمان کو ستارہ امتیاز (ملٹری) سے نوازا جاچکا ہے۔ریئر ایڈمرل شفقت حسین اختر نے 1994 میں پاک بحریہ کی آپریشنز برانچ میں کمیشن حاصل کیا۔ فلیگ آفیسر پاکستان نیوی وار کالج، نیول وار کالج ترکیہ، نیشنل ڈیفنس یونیورسٹی اسلام آباد اور انٹرنیشنل کالج آف ڈیفنس اسٹڈیز چائنہ سے گریجویٹ ہیں۔ریئر ایڈمرل شفقت حسین اخترکو ستارہ امتیاز سے نوازا جاچکاہے۔