بورڈ آف انٹرمیڈیٹ اینڈ سیکنڈری ایجوکیشن نے میٹرک کے سالانہ امتحانات 2023 کے شیڈول کا اعلان کر دیا

جمعہ 17 مارچ 2023 21:08

لاہور (اُردو پوائنٹ اخبارتازہ ترین - آن لائن۔ 17 مارچ2023ء) بورڈ آف انٹرمیڈیٹ اینڈ سیکنڈری ایجوکیشن نے میٹرک کے سالانہ امتحانات 2023 کے شیڈول کا اعلان کر دیا۔لاہور بورڈ آف انٹرمیڈیٹ اینڈ سیکنڈری ایجوکیشن کے ترجمان ڈاکٹر مرزا حبیب علی نے بتایا کہ میٹرک کے امتحانات یکم اپریل سے شروع ہوں گے جس کے لیے بورڈ نے تمام تر تیاریاں مکمل کر لی ہیں اور دھوکہ دہی پر قابو پانے کے لیے سرویلنس ٹیمیں تشکیل دے دی گئی ہیں۔

BISE لاہور نے شہر بھر میں 868 امتحانی مراکز قائم کیے ہیں اور انتظامات کی نگرانی کے لیے بورڈ میں ایک کنٹرول روم بھی قائم کیا گیا ہے۔امتحانات میں 233862 امیدوار شرکت کریں گے جن میں سے 126398 لڑکے اور 107464 لڑکیاں ہوں گی۔عہدیدار نے مزید کہا کہ رول نمبر سلپس جاری نہیں کی گئی ہیں اور پرائیویٹ امیدوار انہیں بورڈ کی ویب سائٹ سے ڈاؤن لوڈ کرسکتے ہیں جبکہ باقاعدہ امیدوار اپنے اداروں سے حاصل کرسکتے ہیں۔

(جاری ہے)

سرگودھا بورڈ نے امتحانات کے شیڈول کا اعلان بھی کر دیا، سرگودھا میں میٹرک کے امتحانات بھی یکم اپریل سے شروع ہوں گے۔اسی طرح بہاولپور بورڈ آف انٹرمیڈیٹ اینڈ سیکنڈری ایجوکیشن کے جاری کردہ شیڈول کے مطابق بہاولپور میں بھی میٹرک کے امتحانات یکم اپریل سے شروع ہوں گے۔BISE فیصل آباد نے بھی یکم اپریل سے شروع ہونے والے امتحانات کی تمام تیاریاں مکمل کر لی ہیں۔

اسی طرح BISE گوجرانوالہ میں بھی یکم اپریل سے امتحانات شروع ہونے جا رہے ہیں۔راولپنڈی اور ڈی جی خان میں یکم اپریل سے میٹرک کے امتحانات شروع ہو رہے ہیں۔دریں اثنائ بورڈز نے امتحانی ٹیموں سے کہا ہے کہ وہ امتحانات کے دوران پرامن ماحول کو یقینی بنانے کے لیے قانون نافذ کرنے والے اداروں کے تعاون سے بغیر کسی خوف کے اپنے پیشہ ورانہ فرائض سرانجام دیں۔

Facebook Twitter Google + Share on Whatsapp

بورڈ آف انٹرمیڈیٹ اینڈ سیکنڈری ایجوکیشن نے میٹرک کے سالانہ امتحانات 2023 کے شیڈول کا اعلان کر دیا

متعلقہ عنوان :

مزید تعلیم کی خبریں