[امیتابھ روبصحت ہو گئے،شوٹنگ دوبارہ شروع کر دی

eممبئی(اُردو پوائنٹ اخبارتازہ ترین - آن لائن۔ 26 مارچ2023ء) بالی وڈ کے لیجنڈری اداکار امیتابھ بچن نے اعلان کیا ہے کہ انہوں نے ’پروجیکٹ کے‘ کے سیٹ پر چوٹ لگنے کے بعد دوبارہ کام شروع کردیا ہے۔بگ بی نے اپنے بلاگ پیج پر صحت کی تازہ ترین اپ ڈیٹ شیئر کی جس میں انہوں نے اس تکلیف دہ وقت میں انہیں آرام دینے کے لئے اپنی فیملی کا شکریہ ادا کیا ہے۔

(جاری ہے)

امیتابھ بچن نے لکھا کہ جسم کی تکلیف کو دور کرنے کی کوشش ہونی چاہئے، میری فیملی اور خیرخواہوں کی طرف سے میری دیکھ بھال اور آرام کے ساتھ ساتھ جاری ہے جس کے لئے ان کا شکر گزار ہوں۔

انہوں نے مزید لکھا کہ کام سے بہتر کوئی مشغلہ نہیں ہے، پسلی اور پاؤں کی انگلیاں اگرچہ ابھی مکمل ٹھیک نہیں ہیں لیکن ہمیں ان کا مقابلہ کرنا چاہئے۔کچھ دن پہلے پیکو اداکار نے ریمپ پر واک کرتے ہوئے اپنی ایک پرانی تصویر شیئر کی تھی۔ اس پوسٹ کے ذریعے انہوں نے اپنی صحت یابی کے لیے نیک تمناؤں اور دعاؤں پر اپنے تمام مداحوں کا شکریہ ادا کیا تھا۔امیتابھ بچن کو ’پروجیکٹ کے‘ کے سیٹ پر ایک گہری چوٹ لگی تھی، نئی فلم میں ان کے ساتھ پربھاس، دپیکا پڈوکون اور دیشا پٹانی بھی شامل ہیں