Live Updates

عمران خان کے وکیل کی غلطی جج نے درست کرادی

پیر 27 مارچ 2023 22:34

اسلام آباد (اُردو پوائنٹ اخبارتازہ ترین - این این آئی۔ 27 مارچ2023ء) اسلام آباد ہائیکورٹ کے چیف جسٹس عامر فاروق نے عمران خان کے وکیل کی غلطی درست کرادی۔چیف جسٹس اسلام آباد ہائیکورٹ نے وکیل سے کہا کہ آپ نے درخواست کر رکھی ہے کہ غیرقانونی گرفتاری روکیں، درخواست منظور کروں تو آپ کے کلائنٹ گرفتار ہوجائیں گے۔

(جاری ہے)

جسٹس عامر فاروق نے عمران خان کے وکیل کی غلطی درست کرائی اور کہا کہ کیا میں کہہ دوں غیرقانونی نہیں تو قانونی گرفتار کرلیں، اپنے کلائنٹ کے ساتھ یہ نہ کریں۔

پی ٹی آئی وکیل کی سیکیورٹی ناکوں کی شکایت پر جسٹس عامر نے کہا کہ آپ کے پارٹی لیڈر آرہے ہیں، انہی کیلئے سیکیورٹی لگائی ہوئی ہے۔چیف جسٹس اسلام آباد ہائیکورٹ نے کہا کہ آپ کے لیڈر خود زگ زیگ سے کنٹینر سے ہوکر آئے ہیں۔اسلام آباد ہائیکورٹ نے وفاقی تحقیقاتی ادارے (ایف آئی ای) اور اسلام آباد پولیس کو (آج)منگل تک عمران خان کے خلاف مقدمات کی تفصیلات فراہم کرنے کی ہدایت کی۔