کاشتکاروں کوبہاریہ سورج مکھی کی بہترین پیداوارکے حصول کے لئے اڑھائی کلو بیج فی ایکڑاستعمال کرنے کی ہدایت

منگل 28 مارچ 2023 11:35

فیصل آباد (اُردو پوائنٹ اخبارتازہ ترین - اے پی پی۔ 28 مارچ2023ء) بہاریہ سورج مکھی کی بہترین پیداوار کے حصول کیلئے فصل کی قطاروں میں کاشت اور اچھے اگاؤ کاحامل اڑھائی کلو بیج فی ایکڑ استعمال کرنے کی ہدایت کی ہے۔ جامعہ زرعیہ فیصل آباد کے ماہرین زراعت نے کہاکہ اگر بہاریہ سورج مکھی کے بیج کے اگاؤ کی شرح کم محسوس ہو تو فوری طور پر بیج کی مقدار میں اضافہ کر دیاجائے۔

(جاری ہے)

انہوں نے کہاکہ قطاروں کا درمیانی فاصلہ سو ادو فٹ سے اڑھائی فٹ اور پودے سے پودے کافاصلہ آبپاش علاقوں میں 9انچ تک اور بارانی علاقوں میں ایک فٹ تک ہونا ضروری ہے۔ انہوں نے کہاکہ فصل کی بوائی کیلئے بیج کی قسم کا انتخاب کرتے وقت اس بات کا خیال رکھاجائے کہ وہ قسم متعلقہ علاقہ میں اچھی پیداوار دے سکتی ہے یاکہ نہیں۔ انہوں نے کہاکہ کاشتکار اس سلسلہ میں مزید رہنمائی کیلئے ماہرین زراعت یامحکمہ زراعت کے فیلڈ سٹاف کی خدمات سے بھی استفادہ کرسکتے ہیں۔

Facebook Twitter Google + Share on Whatsapp

کاشتکاروں کوبہاریہ سورج مکھی کی بہترین پیداوارکے حصول کے لئے اڑھائی کلو بیج فی ایکڑاستعمال کرنے کی ہدایت

متعلقہ عنوان :

مزید زراعت کی خبریں