جیکب آباد میں کار سے گٹکا اور دیگر منشیات برآمد،دو ملزمان گرفتار

بدھ 19 اپریل 2023 22:29

جیکب آ باد(اُردو پوائنٹ اخبارتازہ ترین - آن لائن۔ 19 اپریل2023ء) جیکب آباد کے مبارکپور تھانے کی حدود سے پولیس نے کارنمبرbun386کو اپنی تحویل میں لیکر بھاری مقدار میں گٹکا برآمد کرنے کا دعوی کیا ہے کار گٹکے اور پان پراگ سے بھری ہوئی تھی پولیس نے ایک ملزم شکارپور کے رہائشی مٹھل ولد رسول بخش میرانی کو گرفتارکیا ہے معلوم ہوا ہے کہ کار سے چرس بھی بر آمد کی گئی ہے جو کہ غائب کر دی گئی ہے رابطے پر ایس ایچ او مبارکپور تھانہ انیس شیخ نے بتایا کہ کیس آباد پولیس کا تھا اس لئے کار آباد پولیس کے حوالے کی ہے دوسری جانب آباد پولیس کیب مطابق 20بوریاں گٹکے کی برآمد کرکے دو ملزمان مٹھل میرانی اور قاسم پٹھان کو گرفتار کیا ہے جو کہ بلوچستان سے شکارپور گٹکا اسمگل کر رہے تھے واقع کا مقدمہ درج کیا گیا ہے ،کار میں چرس موجود نہیں تھی۔