ملک بھر کی طرح کلر سیداں میں یوم تکریم شہیدا ءجوش و جذبے سے منایا گیا

جمعرات 25 مئی 2023 20:35

کلرسیداں (اُردو پوائنٹ اخبارتازہ ترین - اے پی پی۔ 25 مئی2023ء) ملک بھر کی طرح کلر سیداں میں بھی یوم تکریم شہیدا جوش جذبے سے منایا گیا، اسسٹنٹ کمشنر کلر سیداں اشتیاق اللہ خان نیازی اور چیف آفیسر صاجزادہ عمران اختر نوشاہی نے کلرسیداں کے مختلف دیہات میں شہداء کی قبروں پر فاتحہ خوانی کی اورپھولوں کی چادریں چڑھائیں۔

(جاری ہے)

اس موقع پر کلر سیداں کی سیاسی قیادت بھی موجود تھی جن میں سابق چیئرمین راجہ ندیم احمد ،شیخ حسن ریاض،سابق سٹی ناظم اعجاز بٹ، شیخ وسیم اکرم،بلدیہ ممبران عابد زہدی ،عاطف بٹ اورراجہ ظفر محمود کے علاوہ انجمن تاجران نے شرکت کی، بعد ازاں مین چوک کلر سیداں میں تقریب کا انعقاد کیا گیا ،کلرسیداں کی سیاسی سماجی اور عوامی شخصیات نے خطاب کیا ،عوام علاقہ نے پاک فوج زندہ باد شہداء پاکستان زندہ باد کے نعرے لگائے ،مقررین نے خطاب کرتے ہوئے کہا کہ پاکستانی قوم متحد ہو چکی ہے، سب ملکر دنیا کو یہ پیغام دینا چاہتے ہیں کہ ہم اپنی فوج سے محبت کرتے ہیں، پاک فوج کے بیٹے ہمارے بیٹے ہیں جنہوں نے ہمیشہ مادر وطن کی خاطر اپنی جانوں کا نذرانہ پیش کیا، ہم اپنی فوج کے ساتھ کھڑے ہیں جو بھی لوگ سانحہ 9 مئی میں ملوث ہیں انہیں سخت سزائیں دی جائیں تاکہ آئندہ کوئی بھی پاک فوج کے خلاف ایسی گھنونی حرکت نہ کر سکے۔

\378