وزیرداخلہ کا شمالی وزیرستان میں پاک فوج کے دو جوانوں کی شہادت پر گہرے دکھ اور افسوس کا اظہار

وطن کی خاطر جان کا نذرانہ پیش کرنے والے شہدا کو خراج عقیدت پیش کرتے ہیں، رانا ثنا ء اللہ کا بیان

پیر 5 جون 2023 16:56

وزیرداخلہ کا شمالی وزیرستان میں پاک فوج کے دو جوانوں کی شہادت پر گہرے ..

اسلام آباد (اُردو پوائنٹ اخبارتازہ ترین - این این آئی۔ 05 جون2023ء) وزیر داخلہ رانا ثنااللہ نے شمالی وزیرستان میں دہشت گردوں کے خلاف فائرنگ کے تبادلے میں پاک فوج کے دو جوانوں کی شہادت پر گہرے دکھ اور افسوس کا اظہار کیا ہے۔

(جاری ہے)

اپنے بیان میں انہوں نے کہا کہ وطن کی خاطر جان کا نذرانہ پیش کرنے والے شہدا کو خراج عقیدت پیش کرتے ہیں، پاک فوج کے جوانوں نے انتہائی جذبے اور جوانمردی سے دہشت گردوں کا مقابلہ کیا۔وزیرداخلہ رانا ثنا اللہ نے کہا کہ فوجیوں نے اپنی پیشہ ورانہ تربیت کا ثبوت دیتے ہوئے دو دہشت گردوں کو جہنم واصل کیا، پوری قوم اس ناسور کے خلاف جنگ میں مسلح افواج کے شانہ بشانہ کھڑی ہے۔