محکمہ زراعت نے کاشتکاروں کو آلو کی درجہ بندی کی ہدایت کر دی

پیر 5 جون 2023 17:17

قصور (اُردو پوائنٹ اخبارتازہ ترین - اے پی پی۔ 05 جون2023ء) محکمہ زراعت نے کاشتکاروں کو آلو کی درجہ بندی کی ہدایت کی ہے اور کہاہے کہ کاشتکار 35سے 55ملی میٹر گولائی تک کے انڈے کے سائز کے برابر آلوکوبطور بیج استعمال کرنے کیلئے الگ کرلیں۔

(جاری ہے)

ڈپٹی ڈائریکٹرمحکمہ زراعت(توسیع)قصورمحمداکرم طاہر نے”اے پی پی“کو بتایا کہ کاشتکاروں کو بھرائی سے پہلے آلوؤں پرلگی مٹی اچھی طرح صاف کرلینی چاہئیے اور بھرائی کیلئے پٹ سن کی بوریاں بھی استعمال کرنی چاہئیں۔

انہوں نے کہا کہ ڈھیلی بھری ہوئی بوریوں کے نرخ ہمیشہ کم لگتے ہیں اسلئے درجہ بندی کرنے پر فصل کے بہترنرخ کا حصول ممکن ہوسکتاہے۔ انہوں نے بتایا کہ کٹ لگے یا رگڑ سے خراب ہونیوالے آلوؤں کی بھرائی ہمیشہ صحتمند آلوؤں سے الگ کرنی چاہئیے۔ انہوں نے بتایا کہ اس کیلئے بہتر اور آسان طریقہ یہ ہے کہ آلوؤں کو زمین سے نکال کر ٹوکریوں میں بھردیاجائے اور پھر صاف زمین پرپلٹ کر آلوؤں پرلگی تمام مٹی جھاڑ دی جائے۔\378

Facebook Twitter Google + Share on Whatsapp

محکمہ زراعت نے کاشتکاروں کو آلو کی درجہ بندی کی ہدایت کر دی

مزید زراعت کی خبریں