کمرشل میں کام کرنے کیلئے بورڈ کے امتحان چھوڑ دیئے تھے، سنیتا مارشل کا انکشاف

منگل 6 جون 2023 09:45

لاہور (اُردو پوائنٹ اخبارتازہ ترین - این این آئی۔ 06 جون2023ء) پاکستان شوبز انڈسٹری کی معروف ماڈل و اداکارہ سنیتا مارشل کا شمار اس وقت ملک کی ٹاپ ماڈلز اور اداکاراؤں میں کیا جاتا ہے۔سنیتا مارشل نے حال ہی میں ایک مارننگ شو میں شرکت کی جس میں انہوں نے اہم راز سے پردہ اٹھا دیا۔اداکارہ نے بات چیت کی دوران اپنی کالج لائف کا ذکر کیا جس میں انہوں نے اس وقت میں کیے جانے والے ایک بڑے فیصلے کے بارے میں بتایا۔

اداکارہ کا کہنا تھا کہ میں فرسٹ ائیر کے امتحانات کی تیاری کر رہی تھی تو مجھے ایک کمرشل میں کام کی آفر ہوئی جس میں مجھے ایک اشتہار کے لئے سنگاپور جانا تھا، یہ آفر سن کر میں بہت خوش ہو گئی لیکن اگلے ہی لمحے جب تاریخ بتائی گئی تو میری ساری خوشیاں جیسے ایک طرف ہوگئیں کیونکہ میرے امتحانات آرہے تھے۔

(جاری ہے)

انہوں نے بتایا کہ کیونکہ یہ میرے کیریئر کا آغاز تھا مجھے یہ سب اتنی آسانی سے مل جائے گا اس کی امید نہیں تھی، بس یہی وجہ تھی کہ میں یہ آفر ہاتھ سے جانے نہیں دے سکتی تھی۔

اداکارہ نے کہا کہ اس کے بعد میں نے پھر گھر والوں کو بیٹھا کر اس مسئلے پر بات کی اور اس نتیجے پر پہنچے کہ امتحان کو چھوڑ دیا جائے اور اگلے سال ضمنی امتحان دیا جائے۔انہوں نے بتایا کہ کافی سوچ بچار کے بعد آخرکار مجھے بورڈ کے امتحان چھوڑ کر شوٹنگ کے لیے جانے کی اجازت مل گئی، میں اپنے اس فیصلے سے مطمئن ہوں کیونکہ اس کے بعد سے میرے کیریئر کا آغاز ہوا تھا۔