پاکستان پہلی بارخواتین کی انٹرنیشنل والی بال چیمپئین شپ منعقد کرے گا

انٹرنیشنل ایونٹ جنوری میں اسلام آباد میں ہوگا، پانچ غیر ملکی ٹیموں کی شرکت کا امکان ہے، ملیکہ جنید

بدھ 26 جولائی 2023 16:53

پاکستان پہلی بارخواتین کی انٹرنیشنل والی بال چیمپئین شپ منعقد کرے ..

اسلام آباد (اُردو پوائنٹ اخبارتازہ ترین - این این آئی۔ 26 جولائی2023ء) پاکستان والی بال فیڈریشن نے ایمپاور سپورٹس اکیڈمی کی شراکت سے ملک میں خواتین کی پہلی انٹرنیشنل والی بال چیمپئین شپ کے انعقاد کی تیاریاں شروع کردی۔ پاکستان والی بال فیڈریشن وویمنز وونگ کی چیئرپرسن ملیکہ جنید کیمطابق پاکستان میں لڑکیوں میں والی بال کھیل میں دلچسپی بڑھانے اور معیار کو بہتر بنانے کیلئے فیڈریشن ایمپاور سپورٹس کیساتھ ملکر کوشاں ہے اور ملک میں پہلی بار خواتین کے انٹرنیشنل ایونٹ کے انعقاد کا مقصد خواتین کھلاڑیوں کو اپنے کھیل کو بہتر بنانے کا موقع فراہم کرنا ہے کیونکہ پاکستان کی تاریخ میں یہ پہلی بار ہو گا کہ خواتین والی بال کے مقابلوں میں امریکہ اور یورپ کی ٹیمیں حصہ لیں گی۔

ملیکہ جنید نے کہا کہ اسلام آباد خواتین کی انٹرنیشنل چیمپئن شپ کا ممکنہ میزبان شہر ہوگاجس کے انعقاد کیلئے اگلے سال جنوری میں پلاننگ کی جارہی ہے جبکہ ایونٹ کے لیے پانچ غیر ملکی ٹیموں کے پاکستان آنے کی توقع کر رہے ہیں۔

(جاری ہے)

دوسری جانب ایمپاور سپورٹس اکیڈمی کی بانی علیشا جنید بھی دیگر تمام انتظامات کو حتمی شکل دینے کیلئے غیر ملکی ٹیموں کے ساتھ رابطہ کاری میں مصروف ہیں جبکہ ایمپاور سپورٹس اکیڈمی کیایڈوائزر ٹم کیلی بھی قومی وویمنز والی بال ٹیم کی تیاریوں اور تربیتی کیمپ کا مشاہدہ کرنے کے لیے گزشتہ ہفتے پاکستان کا دورہ کرچکے ہیں۔

امریکہ میں مقیم ٹم کیلی نیدورہ کے دوران ان مقامات کا جائزہ بھی لیا جہاں ایمپاور اسپورٹس اکیڈمی پاکستان والی بال فیڈریشن کی زیر سرپرستی انٹرنیشنل والی بال چیمپئین شپ منعقد کرے گی۔ ملیکہ جنید کے مطابق بیچ گیمز سے قبل ہم اس سال وویمنز ٹیم کو تربیتی دورے کے لیے ترکی بھیجنے کا بھی منصوبہ بنا رہے ہیں۔