چیئرمین جوائنٹ چیفس آف سٹاف کمیٹی جنرل ساحر شمشاد مرزا کی آسٹریلیا میں اعلیٰ سول و فوجی حکام سے ملاقاتیں

جمعہ 28 جولائی 2023 00:20

اسلام آباد (اُردو پوائنٹ اخبارتازہ ترین - اے پی پی۔ 28 جولائی2023ء) چیئرمین جوائنٹ چیفس آف سٹاف کمیٹی جنرل ساحر شمشاد مرزا نے اپنے آسٹریلیا کے سرکاری دورہ کے دوران اعلیٰ سول و فوجی حکام سے ملاقاتیں، دفاعی اور سکیورٹی مذاکرات اور 1.5 ٹریک سیکیورٹی ڈائیلاگ میں بھی شرکت کی ۔

(جاری ہے)

آئی ایس پی آر کے مطابق 24 جولائی سے 28 جولائی تک اپنے سرکاری دورہ کے دوران چیئرمین جوائنٹ چیفس آف سٹاف کمیٹی جنرل ساحر شمشاد نے چیف آف ڈیفنس فورسزجنرل اینگس جے کیمبل سے بھی ملاقات کی۔ ملاقاتوں میں دونوں افواج نے فوجی تعاون کو مزید وسعت دینے پر اتفاق کیا۔چیئرمین جوائنٹ چیفس آف سٹاف کمیٹی جنرل ساحر شمشاد نے رائل ملٹری کالج کا بھی دورہ کیا اور آسٹریلین ڈیفنس کالج کے شرکاء سے خطاب کیا۔