چڑیا گھر میں نایاب ریچھ نے سب کو حیرت میں ڈال دیا

دو ٹانگوں پر مہارت سے کھڑے ہونے کی وجہ سے انسان ہونے کا شبہ‘ انتظامیہ کو وضاحت دینی پڑگئی

ساجد علی بدھ 2 اگست 2023 13:07

بیجنگ ( اُردو پوائنٹ اخبارتازہ ترین ۔ 02 اگست 2023ء ) چین کے ایک چڑیا گھر میں نایاب ریچھ نے سب کو حیرت میں ڈال دیا، جس کو دیکھنے والوں نے انسان ہونے کا شبہ ظاہر کیا، جس کے جواب میں انتظامیہ کو وضاحت جاری کرنی پڑگئی۔ الجزیرہ نیوز کے مطابق چین کے چڑیا گھر نے نایاب ریچھ کے لباس میں کسی انسان کے ہونے کی تردید کی ہے، ہانگژو چڑیا گھر کی انتظامیہ نے اس خیال کو مسترد کر دیا ہے کہ اس کا ایک ریچھ جانور کی کھال میں ملبوس کوئی انسان ہو سکتا ہے۔

معلوم ہوا ہے کہ سوشل میڈیا پر وائرل ہونے والی ایک ویڈیو میں پچھلی ٹانگوں پر انتہائی مہارت سے کھڑے جانور کی فوٹیج نے سب کو محوِ حیرت کردیا، چین کے مشرقی شہر ہانگژو کے چڑیا گھر میں ریچھ کی پرورش اور لوگوں کے ایک گروپ کے ساتھ بات چیت کا ویڈیو کلپ چینی سوشل میڈیا پر وائرل ہوا۔

(جاری ہے)

WATCH: 🐻 A viral video of a black sun bear at the Hangzhou Zoo in China's Zhejiang province has some netizens convinced that it is a human in disguise. The zoo has since spoken out to quell the rumours, maintaining that it is "definitely a real animal". pic.twitter.com/hzHOZSnLPT
— CNA TODAY (@TODAYonline) July 31, 2023

بہت سے سوشل میڈیا صارفین نے ریچھ کے حقیقی ہونے پر شکوک کرتے ہوئے تبصرے پوسٹ کیے، جن میں کچھ نے الزام لگایا کہ اس کے دو ٹانگوں پر کھڑے ہونے اور جھریوں والی جلد سے پتہ چلتا ہے کہ یہ دراصل جانور کی کھال میں ملبوس کوئی انسان ہے، جس پر چڑیا گھر انتظامیہ نے ان افواہوں کو مسترد کرتے ہوئے کہا کہ ملائیشیا سے آنے والے ریچھ دوسرے ریچھوں سے چھوٹے ہیں اور مختلف نظر آتے ہیں لیکن یہ اصل میں ریچھ ہی ہے۔