ترکیہ، لڑاکا طیارے کا فیول ٹینک زمین پر آگرا، تین کاریں تباہ

انقرہ میں راہگیروں میں خوف وہراس پھیل گیا، کسی جانی نقصان کی اطلاع نہیں ملی

منگل 5 ستمبر 2023 13:42

ترکیہ، لڑاکا طیارے کا فیول ٹینک زمین پر آگرا، تین کاریں تباہ

انقرہ(اُردو پوائنٹ اخبارتازہ ترین - این این آئی۔ 05 ستمبر2023ء) ایک غیر معمولی واقعے میں انقرہ میں ترکیہ کی فضائیہ سے تعلق رکھنے والے لڑاکا طیارے ایف فور فانٹون سے ایک اضافی فیول ٹینک کھلی پارکنگ میں گر گیا اور پارکنگ میں کھڑی تین کاریں تباہ ہوگئیں۔غیرملکی خبررساں ادارے کے مطابق ترکیہ کی ویب سائٹ ینی شفق نے ویڈیو کلپ بھی شائع کیا جس میں فیول ٹینک گرنے کے خوفناک لمحے کو دکھایا گیا۔

یندھن کا بہت بڑا ٹینک دو کھڑی کاروں پر آ گرا۔

(جاری ہے)

تصادم سے تیسری کار کی ونڈ شیلڈ اور چھت بھی تباہ ہو گئی۔تصادم کے باعث راہگیروں میں خوف وہراس پھیل گیا۔ حادثے کے نتیجے میں کسی کی ہلاکت یا زخمی ہونے کی اطلاع سامنے نہیں آئی۔ کاریں مسافروں کے بغیر کھڑی تھیں۔ لڑاکا طیارے نے انقرہ کے شمال مغرب کے علاقے سے ٹیک آف کیا۔ اس علاقے میں اس وقت ایوی ایشن فیسٹیول کا انعقاد کیا جا رہا تھا۔ترک وزارت دفاع نے ایک بیان میں کہا کہ ہماری فضائیہ سے تعلق رکھنے والے ایک F-4 جنگی طیارے کا ایک حصہ انقرہ کے آسمان میں پرواز کے دوران نامعلوم وجہ سے ایک کھلی پارکنگ میں گر گیا۔