ناسا کا ایلینز کی لاشوں کی نمائش پر ردِعمل

ناسا نے ان آئیڈینٹیفائیڈ اینولوس فینومینا بارے نئی رپورٹ جاری کردی

جمعہ 15 ستمبر 2023 15:23

ناسا کا ایلینز کی لاشوں کی نمائش پر ردِعمل

نیویارک(اُردو پوائنٹ اخبارتازہ ترین - این این آئی۔ 15 ستمبر2023ء) نیشنل ایروناٹکس اینڈ اسپیس ایڈمنسٹریشن (ناسا)نے میکسیکو سٹی میں ایلینز کی لاشوں کی نمائش پر اپنے ردِعمل کا اظہار کیا ہے۔غیرملکی خبررساں ادارے کے مطابق ناسا نے گزشتہ روز ایک پریس کانفرنس میںان آئیڈینٹیفائیڈ اینولوس فینومینا (UAP) کے بارے میں ایک نئی رپورٹ جاری کی۔ان آئیڈینٹیفائیڈ اینولوس فینومینا (UAP) کو عموما ان آئیڈینٹیفائیڈ فلائنگ اوبجیکٹس (UFOs) بھی کہا جاتا ہے۔

ناسا نے ایک آزاد مطالعاتی ٹیم کی جانب سیان آئیڈینٹیفائیڈ فلائنگ اوبجیکٹس (UFOs) کو سمجھنے میں زیادہ نمایاں کردار ادا کرنے کی سفارش کے جواب میںان آئیڈینٹیفائیڈ اینولوس فینومینا (UAP) پر تحقیق کے لیے ایک ڈائریکٹر مقرر کرنے کا اعلان کردیا ہے۔

(جاری ہے)

ناسا کے حکام سے اس پریس کانفرنس کے دوران میکسیکو کی کانگریس میں ایلینز کی لاشوں کی نمائش کے بارے میں بھی سوالات پوچھے گئے جس پر پرنسٹن یونیورسٹی کے ایسٹرو فزکس کے شعبے کے سابق سربراہ اور ان آئیڈینٹیفائیڈ اینولوس فینومینا (UAP) رپورٹ کے سربراہ ڈیوڈ اسپرگل نے کہا کہ مجھے اس بارے میں معلومات صرف ٹوئٹر یعنی ایکس پر ہی نظر آئی ہیں۔

انہوں نے کہا کہ جب بھی آپ کے پاس غیر معمولی چیزیں ہوں تو پہلے آپ ان کے بارے میں معلومات کو سامنے لاتے ہیں۔انہوں نے میکسیکو کی حکومت سے مخاطب ہوتے ہوئے کہا کہ ہم ان نمونوں کی نوعیت نہیں جانتے، اگر آپ کے پاس ایسی کوئی عجیب چیز موجود ہے تو اس کے نمونے سائنسی برادری کو تحقیق کے لیے دیں۔