بیٹی سے بد اخلاقی کرنے والے باپ کوسزائے موت کا حکم

جمعہ 22 ستمبر 2023 15:39

لاہور (اُردو پوائنٹ اخبارتازہ ترین - اے پی پی۔ 22 ستمبر2023ء) لاہورکی سیشن کورٹ نے چودہ سال کی سگی بیٹی سے بد اخلاقی کرنے والے باپ کو سزائے موت کا حکم سنا دیا۔ عدالت نے فیصلے میں تحریر کیا کہ باپ کو ہمیشہ بچوں کا محافظ تصور کیاجاتا ہے لیکن اس کیس میں ملزم باپ نے باپ کے منصب کو داغدار کردیا ۔ایڈیشنل سیشن جج میاں شاہد جاوید نے ٹرائل مکمل ہونے پر بد اخلاقی کیس کا فیصلہ سنایا۔

عدالت نے جرم ثابت ہونے پر بد اخلاقی کرنے والے باپ رفیق کو دس لاکھ جرمانہ کی بھی سزا سنائی۔

(جاری ہے)

عدالت نے تحریری فیصلے میں کہاکہ باپ کو ہمیشہ بچوں کا محافظ تصور کیا جاتا ہے ،اگر بیٹی کو کوئی باہر تنگ کرے تو وہ اپنے والد کو محافظ سمجھتے ہوئے شکایت کرتی ہے،موجودہ کیس میں سگے باپ نے اپنی بیٹی کی شخصیت روح اور جسم کو تباہ کیا،کمسن بچی ذہنی اذیت کا شکار ہوئی۔

دوران ٹرائل پراسکیوشن نے گیارہ گواہ عدالت میں پیش کیے ۔عدالت نے کہا کہ پراسیکیوشن اپنا کیس ثابت کرنے میں کامیاب ہوئی، والد کو اپنی سگی بیٹی سے بد اخلاقی کے جرم میں سزائے موت کا حکم سنایا جاتا ہے۔مجرم رفیق کے خلاف تھانہ ستوکتلہ پولیس نے 2019 میں مقدمہ درج کیا تھا۔عدالت نے سزائے موت کے بعد مجرم کو کوٹ لکھپت جیل بھیج دیا۔

Facebook Twitter Google + Share on Whatsapp

بیٹی سے بد اخلاقی کرنے والے باپ کوسزائے موت کا حکم

متعلقہ عنوان :

مزید اہم خبریں